Voyaga yetmaganlar huquqbuzarliklarini oldini olishning ijtimoiy-psixologik masalalari
Download 82.69 Kb.
|
diss (2)
- Bu sahifa navigatsiya:
- To`rtinchidan
- “Yoshlar kuni”
|
Uchinchidan, 2017-2021-yillarda O`zbekiston Respublikasini
rivojlantirishning beshta ustuvor yo`nalishi bo`yicha Harakatlar strategiyasi demokratik davlat qurish va fuqarolik jamiyatini rivojlantirish borasidagi islohotlarda yoshlar faolligini oshirish bilan bog`liq bir qator yangi va muhim vazifalarni belgilab berganini alohida qayd etish joiz. Jumladan, Harakatlar strategiyasining 2-yo`nalishi Qonun ustuvorligini ta`minlash va sud-huquq tizimini yanada isloh qilishning ustuvor yo`nalishiga bag`ishlanib, 2.4-bandiga muvofiq “jinoyatchilikka qarshi kurashish va huquqbuzarliklarni oldini olish tizimini takomillashtirish” asosiy vazifa qilib belgilab qo`yilganligi ham mazkur soha samaradorligini oshirishga bo`lgan tizim negizini belgilab beradi. To`rtinchidan, O`zbekiston Respublikasi Prezidenti Shavkat Mirziyoyev 2017-yil 30-iyunda bo`lib o`tgan “Kamolot” yoshlar ijtimoiy harakatining IV qurultoyida so`zlagan nutqlarida mamlakatimizda yoshlarga oid davlat siyosati qanday amalga oshirilayotgani, bu sohada qanday muammolar borligi, ularni qanday hal qilishimiz kerakligi, bu borada yoshlar tashkilotining o`rni qanday bo`lishi lozimligi masalalari haqida atroflicha to`xtalib o`tdilar. Xususan, Prezidentimiz nutqlarini atroflicha izohlab, “Ma`lumki, yosh avlod tarbiyasi hamma zamonlarda ham muhim va dolzarb ahamiyatga ega bo`lib kelgan. Ammo biz yashayotgan XXI asrda bu masala haqiqatan ham hayot-mamot masalasiga aylanib bormoqda. “Tarbiya qancha mukammal bo`lsa, xalq shuncha baxtli yashaydi”, deydi donishmandlar. Tarbiya mukammal bo`lishi uchun esa bu masalada bo`shliq paydo bo`lishiga mutlaqo yo`l qo`yib bo`lmaydi” deya alohida takidlab o`tib, O`zbekiston “Kamolot” yoshlar ijtimoiy harakatining 2017-yil 30- iyun kuni bo`lib o`tgan IV qurultoyi qaroriga muvofiq, O`zbekiston yoshlar ittifoqi tashkil etilgani ma`lum qilindi hamda O`zbekiston yoshlar ittifoqi tashkil topgan kun – 30-iyun sanasi mamlakatimizda “Yoshlar kuni”, deb e`lon qilindi. Endilikda bu sohada sezilarli darajada ijobiy yangiliklarga erishish katta kuch va ma`suliyat talab qilinishi belgilab qo`yildi. Download 82.69 Kb. Do'stlaringiz bilan baham: 
|