Xabarlardı qáliplestiriwshi ortalıq programmalıq támiynatın jaratıw

Xabarlardı qáliplestiriwshi ortalıq programmalıq támiynatın jaratıw

A.К. Bazarbayeva

Ázirgi waqıtta bar bolǵan virtual bilimlendiriw sistemalarınıń (VTS) tiykarǵı kemshiligi, hár qiylı islep shıǵarıwshılar tárepinen islep shıǵarılǵan sistemalarda basqarıw funkciyalarınıń túrlishе kórinislerde shólkemlestirilgenligindе. Atap aytqanda paydalanıwshını (oqıwshını) baqlap barıw, paydalanıwshı haqqındaǵı maǵlıwmattı qayta islew, nátiyjeler haqqındaǵı esabatlardı tayarlaw, sistemada monitoring júrgiziw hám t.b. Glabal bilimlendiriw konsorciumi (IMS Global Learning Consortium) tárepinen islep shıǵılǵan standartlar bul mashqalalardi sheshiwge járdem beredi, bıraq sistemalar kóbinеse anıq bir ortalıqlar (anıq bir mámleket bilimlendiriw procesi) ushın islep shıǵılǵanlıǵı sebepli, kóbinеse sistemanıń standart múmkinshilikleri biz ushın jeterli maǵlıwmatlardı kórsetip bere almaydi.

Bilimlendiriw procesiniń sapasın asırıw formalarınan biri oqıw procesi monitoringi esaplanadı. Bilimlendiriwde monitoring júrgiziwdi rejelestiriwde, biz qandayda bir jetiskenlikke erise alıwımız, studenttıń bilim alıw procesinde shaxs sıpatında jaqsı yamasa jaman tárepke qarap ózgerip atırǵanın bahalay alıwımızdı esapqa alıw kerek. Sonıń menen birge, bilim beriwshinıń bilim alıwshıǵa jeterli maǵlıwmatlardı óz waqtında hám nátiyjeli jetkerip beriwin qadaǵalawshı sistemanı (mooduldi) qáliplestiriw úlken áhmiyetke iye.
IMS standartlarına tayanǵan halda islep shıǵılǵan VTS maǵlıwmatlar strukturası (maǵlıwmatlar bazası)nan ózimiz ushın kerekli qosımsha maǵlıwmatlardı alıw arqalı – sistemada monitoring júrgiziw imkaniyatına iye bolamız.
Usınılıp atırǵan Moodle Monitoring moduliniń maqseti moodle sisteması tiykarında jaratılǵan VTT larınıń maǵlıwmatlar bazası tiykarında fakultet (yaki kafedralar) ushın oqıw procesin úyreniw, analiz qılıw ushın esabatlardı tayarlap beriwden ibarat. Internet dereklerinde keltirilgenindеy moodle sistemasında esabatlardiń jeterli dárejede emesligi, yaki ayırım bir analizli maǵlıwmatlardı sistemadaǵı bir neshe esabatlar tiykarında qayta tayarlawın talap qılıw jumısı, sistemada islew procesinde bir qansha qıyınshılıqlardı keltirip shıǵaradı.
Usınılıp atırǵan moduldiń áhimiyetli tárepi sonda, ol moodle sisteması menen baylanısta islep, onı moodle sistemasına ornatıw hesh qanday masqalalar keltirip shiǵarmaydı. Sebebi modul statistikalıq maǵlıwmatlardı moodle sisteması maǵlıwmatlar bazasında sql sorawlar járdeminde alıp, kerekli kóriniste qáliplestirip beredi. Moduldi hár qanday moodle sisteması ornatılǵan serverge (yaki lokal kompyuterge) ornatıw múmkin.
Modul statistikalıq maǵlıwmatlardı PHP tili múmkinshiliklerin qollaǵan halda payda etedi. Statistikalıq maǵlıwmatlar Moodle sisteması arqalı shólkemlestirilgen VTTda oqıp atırǵan studentler haqqında, olardıń sistemadagı aktivlik jaǵdayları, sistemada jaratılǵan kurslar hám sol oqıw kurslarınıń oqıw metodikalıq kompleksler mеnеn tolıqtırılganlıgın sistemanıń maǵlıwmatlar bazasın úyrengen halda qáliplestirip beredi.
Modul universalliq texnologiyası – yaǵniy maǵlıwmatlar bazası kesteleri strukturaların úyrengen halda qosımsha esabatlardı tayarlaw imkanın beredi. Qandayda statistikalıq maǵlıwmattı payda qılıw ushın qayta kod (php skript) jazıw talap qılınbaydı, tekǵana maǵlıwmatlar bazasınan alınatuǵın maǵlıwmatlar sql buwının tayarlap: modul quramındaǵı arnawlı funksiyaga sql buyrıq, payda etiw jumısı kerek bolǵan statistikalıq kesteniń basbetin hám onıń parametrlerin uzatiw jеtkilikli.
Ádebiyatlar:

1. 
   Авксентьева Е. Ю. Инструменты электронного обучения / Е. Ю. Авксентьева, С. Ю. Авксентьев. – СПб.: Астерион, 2012. – 143 с.
   
2. 
   Анисимов А.М. Работа в системе дистанционного обучения. Moodle. Учебное пособие. 2-е изд. испр. и дополн. – Харьков, ХНАГХ, 2009. - 292 стр.
   
3. 
   T. R.Utemuratov, A. Sh.Qıdırniyazov, A. P.Jumamuratov . Moodle 2.7 sistemasınan paydalanıp oqıw procesin shólkemlestiriw (oqíw-metodikalíq qollanba) Ájiniyaz atındaǵı NMPI baspaxanasında basılǵan. 2016-j. 44 b.
   

КОНФЕРЕНЦИЯ ҚАТНАСЫЎШЫСЫНЫҢ АНКЕТАСЫ

Қатнасыўшының Ф.И.Ш.	Bazarbaeva Aygul
Секция	Infarmatika
Тезис аты	Xabarlardı qáliplestiriwshi ortalıq programmalıq támiynatın jaratıw
Жумыс орны ҳәм мәнзили	-
Лаўазымы	-
Илимий дәрежеси ҳәм атағы	-
Жумыс орны ҳәм мобил телефоны	[phone]
E-mail:	[e-mail]