Xалқаро муносабатлар тарихи

Мавзуга оид муаммолар: 
1.Колониал масаласида «Эски Дунѐ» ва «Янги Дунѐ» муносабатларини қандай кўрсатиб берасиз? 
Асосий савол: XIX асрнинг 50-60 йилларида халқаро муносабатлар. 
Савол бўйича дарс мақсади: «Вена тизимини» барбод бўлишини ҳамда ўша даврдаги колониал 
сиѐсатини ѐритиб талабаларда ушбу мавзу бўйича мустаҳкам тушунчани шакллантириш. 
Идентив ўқув мақсадлари: 
1.1. «Вена тизимини» барбод бўлиш сабабларини шархлаб беради. 
1.2. Ўша давр халқаро муносабатларининг хусусиятларини кўрсатиб беради. 
1.3. Колониал сиѐсатининг хусусият ва усулларини тахлил қилади. 
Саволнинг баѐни:
«Вена тизими» нинг мустаҳкам эмаслиги унинг ташкил топганидан сўнг дархол айѐн бўлди. 
Муқаддас Иттифоқ иштирокчилари инқилобий жараѐнларга самарали тўсқин бўлаоладиган ва 
бахсли халқаро муаммоларни хал қиладиган форумга айлантираолмадилар. 
Тропау (опава) – Лейбах (Любляна) 1820 – 1821 йилларда ва Веронада (Шимолий Италия) 1822 
йилдаги конгресслар жараѐнида Муқаддас Иттифоққа аъзо бўлган мамлакатлар сиѐсатида жиддий 
қарама - қаршиликлар намоѐн бўлди. Ушбу холат, Англияни анъанавий инглиз «озод қуллари» 
сиѐсатига қайтишига ва Иттифоқ билан келишилган холда иш олиб боришдан аста – секин 
узоқлаштириб борди. Англияни келишилган амаллардан узоқлашиши Европани сепарат 
иттифоқларга ва каолицияларга парчаланиб кетишига олиб борди. 
Франция ва Бельгияда 1830 йилда бирин – кетин амалга оширилган инқилоблар, ҳамда 1830-
1831 йилги Польша ғалаѐни 1815-1850 йиллардаги халқаро муносабатлардаги энг асосий 
зиддиятни – яъни Англия ва Россия ўртасидаги рақобатни янада чуқурлаштирди.
Буюк давлатлар элчиларининг 1830-1831 йил Лондон конференцияси ва Бельгия давлати 
мустақиллигини ва унинг доимий бетарафлигини эътироф этиш тўғрисидаги протоколни 
имзоланиши Вена чегаралари (1815) тизимидаги биринчи дарз кетиш бўлди. 
«1815 йилги трактатларни» мухофаза қилиш бўйича бешта буюк давлатларни келишилган 
холдаги амалларини кўзда тутган ва «инқилобий кучлар» билан курашни назарда тутган «Вена 

---

33 
конгресси» тамойилларига 1848 – 1849 йиллардаги инқилобий ҳаракатлар янги зарба бўлди. 
Англия эса ўзга мамлакатлар билан умумий бўлган сиѐсатдан узоқлашди. 
30-нчи йилларда Францияда шунга ўхшаш сиѐсатни Июль монархияси олиб борди. Пруссия ва 
Австрияга келсак, уларнинг ҳукмрон доиралари 1848 йилги инқилобий воқеалар туфайли тўла 
хасталик холатига тушиб қолган эди. 
Шундан қилиб, XIX асрнинг ўрталарига келиб, 20,30,40-нчи йиллардаги инқилоблар «вена 
тизими» асосларини заифлаштирди ва 5-нчи йиларда шарқий масала билан боғлиқ зиддиятларни 
кескинлашувидан 
келиб 
чиққан 
Муқаддас 
ва 
Тўртлик 
иттифоқларининг 
собиқ 
иштирокчиларининг ўртасидаги уруш уни тамоман барбод этди. 
Шарқий масалани зиддиятлашуви ва ундан кейинги 1853 – 1856 йиллардаги Қрим урушида 
Россияни мағлубиятга учрашгани «вена тизимини» барбод бўлганини ва Россияни европа 
ишларига таъсирини йўқотганлигидан далолат берар эди. 
Кейинги йиллари, ўзининг обрўсига путур етказган 1856 йил 30 мартдаги Париж шартномаси 
шартларини бекор қилиш борасида рус дипломатиясининг изчил урушлари билан белгиланади. 
«Вена тизими» нинг барбод бўлиши натижасида янги халқаро холат юзага келди. Қрим уруши 
Европадаги кучларини қайта тақсимланишини кескин ўзгартирди. Россиянинг ташқи сиѐсий 
кучлари барбод қилинди. Австро – Рус Пруссия иттифоқи тарқалиб кетди. Франция «1815 йилги 
трактатни» дафн этишга интилар эди. 
Франция колониал сиѐсатини фаоллашуви туфайли анъанавий Франция – Англия зиддиятлари 
янада кескинлашди. 
Германия ва Италиянинг бирлашуви даврида Пруссия ва Сардиния қироллигининг халқаро 
фаоллиги сезиларли даражада ўсди. Австриянинг таъсири эса бўшашиб кетди. 
АҚШ да 60-нчи йиллардаги фуқаролар уруши туфайли Америкада Франция ва Англия 
сиѐсатини фаоллашуви халқаро муносабатларнинг ривожланишида мухим омил бўлди. Бир 
вақтни ўзида Польша масаласи ҳам кескинлашди: 1863 йилги қўзғолон туфайли Англияни ва 
айниқса Францияни Польша ишларига аралашуви Россияни АҚШ билан яқинлашувига мажбур 
қилди. 
Россияни АҚШга нисбатан хайрихохлик бетарафлиги «шимолликларни» дипломатик 
қуршовдан чиқишга хизмат қилди. 
Германия ва Италияда «Вена тизими» узил – кесил дафн этилди. Лекин, Германия (Жанубий 
герман князликлари) ва Италияни (Рим масаласи) бирлашиш жараѐни 60-нчи йилларнинг охирида 
ҳали якунланмаган эди. Рим ва жанубий Германия масалаларида Италия ва Пруссиянинг асосий 
душмани Франция эди. Франко – Пруссия қарама - қаршилиги ва Италия – Франция ўртасидаги 
зиддият XIX аср 60-нчи йилларининг иккинчи ярмида халқаро муносабатлардаги асосий омилга 
айланди. 
20-60 нчи йилларда европа давлатларининг колониал хукмронлиги усуллардан кескин фарқ 
қилар эди. 
Осиѐнинг колониал экспансияга айлантирилган янги худудларида, европаликлар, иқтисодий ва 
ҳарбий жиҳатдан заиф бўлса-да, лекин азал вақтлардан ўзининг давлатчилигига эга бўлган 
қадимий цивилизациялар билан (Хитой, Япония, Эрон ва б.д.) тўқнашишди. Шунинг учун, бу 
мамлакталарга кириб келиш, масалан классик колониал талончилик ва континентни бўлиб олиш 
сиѐсати амалга оширилган янги дунѐнинг мустамлакасидан фарқ қилар эди. 
XIX асрнинг 20-60-нчи йилларида бошқа усуллар устунлик қиларди: «таъсир доиралар» ни 
тақсимлаш (Хитой, Эрон, Ироқ), протекторатларни ўрнатиш (камбоджа) ва айниқса номигагина 
махаллий князлар ва монархларнинг хокимиятини сақлаб қолиш билан бирга иқтисодий 
босқинчилик. 
Мустамлакаларнинг бошқариш принцпи ўзгарди. Монопол савдо компаниялари воситасида 
уларни бошқариш ва колонияларни эксплуатация қилиш тизимини ўзи йўқ бўлди. Колонияларни 
бошқариш амаллари давлатга ўтар эди. 
Колонияларни эксплуатация қилишнинг иқтисодий қоидаларида ҳам ўзгаришлар рўй берди. 
Агар, илгари колонизаторлар олтин ва кумуш экзотик ўсимликлар ва илдизлар излаб ҳамда 

---

34 
қуллар савдосидан бойлик орттирган бўлсалар, энди эса асосий диққат, саноат учун хом ашѐ – 
пахта, қазилма бойликларга қаратилган эди. 
Колонизаторлар мустамлакалардан метрополиялар саноат молларини сотиш учун бозор 
сифатида кенг фойдаланар эдилар, уларнинг хўжалик ҳаѐтига чуқурроқ кириб борардилар 
(колониялар ҳудудларида темир йўллар, йўллар ва шахталар қурар эдилар).