Reja - Xalqaro jamoani boshqarishning mas’uliyati.
- Xalqaro menejerning vazifalarni muvaffaqiyatli bajarishni ta’minlovchi qobiliyati.
- Xalqaro iqtisodiy munosabatlarni amalga oshirish omillari.
- Global menejerning qabul qiluvchi mamlakatlarda inson resurslarini boshqarishdagi farqlar.
- Xalqaro menejer odatda bosh kompaniya joylashgan mamlakatda o’z darajasidagi rahbardan ko’ra kengroq doiradagi majburiyatlarni bajaradi. Eng avvalo u qabul qiluvchi mamlakat sharoitlarida faoliyat ko’rsatishga moslashishi hamda o’z korporatsiyasi aktivlarini yo’qotish imkoniyatini bartaraf qilish uchun, shuningdek qabul qiluvchi mamlakat hukumati yoki raqobatchilar xatti-harakatlari sababli bozordagi o’z ulushining qisqarishiga qarshi choralar ko’rishi kerak. Bundan tashqari, u yuqori martabali hukumat a’zolari bilan muloqotlar olib boradi va demak, siyosatchilar va diplomatlarga zarur bo’lgan qobiliyatlarga ega bo’lishi kerak. U o’z xorijiy faoliyati va xususan qaror qabul qilish jarayonida ikkita asosiy savolga: 1) Kim bilan ish olib borayapman? 2) O’z xorijiy sherigimdan nima kutishim mumkin? degan savollarga javob topish uchun chet ellik sheriklar to’g’risida to’la axborotga ega bo’lishi zarur. Bunda sheriklar bilan to’g’ridan-to’g’ri vositachilarsiz ishbilarmonlik munosabatlari o’rnatishga harakat qilishi lozim.
Xalqaro menejer vazifalarini muvaffaqiyatli bajarishni ta’minlovchi qobiliyatlarga quyidagilar kiradi: - xorijiy davlat sharoitlariga tez moslasha olish;
- xalqaro tafovutlarni e’tiborga olib fikrlay olish va ish manfaati yo’lida ularni yengish;
- yaratuvchan tashabbus;
- oldindan ko’zlangan reja bo’yicha harakat qilish;
- chet ellik sheriklar bilan muloqotda egiluvchanlik va kompaniya manfaatlarini himoya qilishda qat’iyat;
- sof vijdonlilik;
- qabul qilinuvchi qarorlarning to’g’riligi;
- kutilmagan vaziyatlarga hozirlik;
- berilgan imkoniyatlardan eng yaxshi variantini tanlash imkoniyati;
- tadbirkorlik;
- hamkorlikka intilish;
- uzoq muddatli loyihalarni amalga oshirishni istamaslikning yo’qligi;
- maqsadga intiluvchanlik; muloqotga oson kirishish; chet tilini bilish; jamoada ishlash va ishontira olish; chet elliklarning urf-odatlari va madaniyatiga sabrli bo’lish; ruhiyat mustahkamligi; yaxshi umumiy salomatlik; oilada yaxshi munosabatlar; fikrni tez jamlay olish va harakatlarga tayyor bo’lish; ierarxik tuzilma, ya’ni har bir bo’ysunuvchi bitta rahbarga ega tuzilma o’rniga keluvchi matritsali boshqaruv tizimi sharoitlarida ishlay olish; chet elda ishlash istagi.
Do'stlaringiz bilan baham: |
