Xalqaro-jinoyat-huquqi pdf

mahrum qilish bilan bog‘liq jazoga hukm etilishi mumkin bo‘lmasa ham rad
etilishi mumkin. Umumiy qilib aytadigan bo‘lsak, ushbu hamda shu kabi
boshqa normalar har bir davlatning milliy protsessual qonunlarida hamda
davlatlar bilan imzolagan ekstraditsiya shartnomalarida aks ettiriladi. 
Biz yuqorida ekstraditsiya tushunchasiga oid bir qator fikrlarni keltirib
o‘tdik. Endi mavzuyimizning asosiy jihatlarini yoritsak. O‘zbekiston
Respublikasi xalqaro huquqning mustaqil va teng huquqli subyekti sifatida
bugungi kunda ko‘pgina davlatlar bilan ekstraditsiya masalasida ikki
tomonlama shartnomalar imzolagan. Jumladan, Xitoy Xalq Respublikasi,
Hindiston, Eron, Pokiston Islom Respublikasi, Tojikiston, Koreya, Bolgariya,
Birlashgan Arab Amirliklari, Afg‘oniston bilan ikki tomonlama ekstraditsiya

---

shartnomalari imzolagan. Ushbu shartnomalarning har birida ikkala tomonning
kelishuviga asosan ekstraditsiya masalasini hal qilish tartiblari keltirib o‘tilgan.
Shuningdek, ushbu sohada mamlakatimizda 2004-yil 23-martda O‘zbekiston
Respublikasi Bosh Prokuraturasi, O‘zbekiston Respublikasi Ichki ishlar
Vazirligi hamda O‘zbekiston Respublikasi Milliy xavfsizlik xizmati
hamkorligida “Xalqaro qidiruvdagi ushlangan shaxslarni xorijiy davlatga
berish hamda xorijdan keltirish yuzasidan ishlarni tashkil etish to‘g‘risida
3
”
qo‘shma yo‘riqnoma qabul qilingan. Aytishimiz mumkinki, ushbu hujjatlar
ekstraditsiya borasidagi munosabatlarni tartibga soluvchi qonunchilik bazasi
hisoblanadi. Endi masalaning keyingi tomoniga to‘xtaladigan bo‘lsak,
barchamizga ma’lumki bizning davlatimiz jinoyat qonunchiligida o‘lim jazosi
yo‘q. Ya’ni 2005-yil 1-avgustdagi “O‘zbekiston Respublikasida O‘lim jazosini
bekor qilish to‘g‘risida”gi O‘zbekiston Respublikasi Prezidentining farmoniga
asosan 2008-yilning 1-yanvaridan boshlab, o‘lim jazosi umrbod ozodlikdan
mahrum qilish jazosiga almashtirildi. Aytishimiz mumkinki, ushbu farmon
insonning yashash huquqini mustahkamlovchi xalqaro huquqning umume’tirof
etilgan prinsiplari hamda normalariga to‘la mos. Shuningdek,
Konstitusiyamizning 24-moddasida yashash huquqi har bir insonning uzviy
huquqi ekanligi, inson hayotiga suiqasd eng og‘ir jinoyat sanalishi qayd etilgan.
Yangi kiritilayotgan takliflarga ko‘ra ushbu moddaga qo‘shimcha sifatida