|
5-modda. Soliq to‘g‘risidagi qonun hujjatlarining prinsiplari
Soliq to‘g‘risidagi qonun hujjatlari soliq solishning majburiyligi, aniqligi, adolatliligi, soliq tizimining yagonaligi, soliq to‘g‘risidagi qonun hujjatlarining oshkoraligi va soliq to‘lovchining haqligi prezumpsiyasi prinsiplariga asoslanadi.
Soliq to‘g‘risidagi qonun hujjatlarining qoidalari ushbu Kodeksda belgilangan prinsiplarga zid bo‘lishi mumkin emas.
LexUZ sharhi
Qarang: mazkur Kodeksning 6 — 11-moddalari.
6-modda. Soliq solishning majburiyligi prinsipi
Har bir shaxs ushbu Kodeksda belgilangan soliqlar va boshqa majburiy to‘lovlarni to‘lashi shart.
LexUZ sharhi
Qarang: O‘zbekiston Respublikasi Konstitutsiyasining 51-moddasi, mazkur Kodeks 32-moddasi birinchi qismining ikkinchi xatboshisi.
Hech kimning zimmasiga ushbu Kodeksda nazarda tutilmagan yoki uning normalari buzilgan holda belgilangan soliqlar va boshqa majburiy to‘lovlarni to‘lash majburiyati yuklatilishi mumkin emas.
LexUZ sharhi
Qarang: mazkur Kodeks 23-moddasining birinchi, ikkinchi, uchinchi, beshinchi va yettinchi qismlari.
Do'stlaringiz bilan baham: |
