Xorazm ma’mun akademiyasi axborotnomasi – /2020 Ўзбекистон республикаси фанлар академияси минтақавий бўлими

Keywords: national, universal, spiritual values, standard, integration, attestation, individual 
characteristics, social skills, technical, rehabilitative. 
Insonni har tomonlama barkamol qilib tayyorlash, xalqimizning azaliy orzusi bo’lib, 
ajdodlarimiz ma’rifat, ma’naviyat va madaniyatni qanday qilib bolalarga o’rgatish, ularni komillikka 
yetaklash yo’llari, qonun-qoidalarini muttasil izlaganlar. Insonning ma’rifatli va komillikka erishishi 
pedagogika fanining yetakchiligida amalga oshiriladi.
Bola tug’ilgan kundan boshlab, uni maktabga borgunigacha bo’lgan davrda har tomonlama 
yetuk barkamol qilib tarbiyalash qonuniyatlarini o’rganish maktabgacha ta’lim tashkilotining asosiy 
mavzuiydir. Bola tarbiyasiga zamonaviy yondashuv- maktabgacha ta’lim tashkilotlari va oilaning 
tarbiyaviy ta’sir ko’rsatishi birligini, maktabgacha ta’lim tashkiloti va maktab ishidagi aloqadorlikni, 
bolalarni maktabda o’qishga tayyorlashni ta’minlaydi. 
Tarixdan ma’lumki, maktabgacha tarbiyaning rivojlanishi bilan birgalikda tarbiyalsh dasturi 
ham takomillashib boradi. Maktabgacha ta’lim tashkilotlari ishini tashkil etish, uning mazmuni va 
metodlari yuzasidan asosiy ko’rsatmalar maktabgacha tarbiya sifatini yaxshilashga qaratilgan bo’lib, 
bunda maktabgacha ta’lim tashkiloti ishining ilmiy asoslangan dasturini yaratish katta ahamiyatga 
ega bo’ladi. Maktabgacha ta’lim tashkilotlarida
ta’lim va tarbiya jarayoni davlat talablari va davlat 
o‘quv dasturi asosida amalga oshiriladi. Dasturga ko’ra, maktabgacha ta’lim tashkilotida ta’lim va
tarbiya jarayoni o‘quv yili bo‘yicha tashkil qilinadi. O‘quv yili 2-sentabrda boshlanadi va 31-
maygacha 
davom 
etadi. 
1-iyundan 31-avgustgacha maktabgacha ta’lim tashkilotida yozgi sog‘lomlashtirish davri tashkil 
etiladi. 
Bola tarbiyasiga zamonaviy yondashish va ta’lim jarayonida 
Davlat o‘quv dasturida 
ko’rsatilganidek, bolaning o‘yin o‘ynash huquqi tan olinadi, o‘yinning bola uchun ahamiyati, uning 
pedagogik imkoniyatlari ta’lim va tarbiya jarayonini tashkil etishda inobatga olinadi. O‘yin 
maktabgacha yoshda yetakchi faoliyatdir. O‘yin orqali ta’lim olish bolalarni ta’lim olishi va 
rivojlanishining yondashuvlaridan biridir. O‘yin – bu bolani o‘zini va atrofidagi dunyoni o‘rganishga 
undashning tabiiy usuli. O‘yin bolaning shaxsiyati, uning bilish, ijtimoiy-hissiy, ijodiy va jismoniy 
jihatlarini rivojlantiradi. O‘yinda bolalarning tengdoshlari va pedagogi bilan o‘zaro munosabati nutq 
va ijtimoiy ko‘nikmalarni rivojlantirishga yordam beradi, uning motorikasi takomillashib boradi. 
O‘yin boshqa bolalar bilan hamkorlikda ta’lim olish imkoniyatini yaratadi, ularga tavakkal qilish, 
xato qilish va qiyinchiliklarni yengish imkonini beradi. Eng muhimi, o‘yin ta’lim olishni quvonchli 
qiladi,bolalarning tasavvurini va ijodkorligini rivojlantiradi. O‘yin har-xil bo‘lishi mumkin – 
bolaning yoki bolalar guruhining tashabbusi bilan to‘laligicha erkin, pedagogning minimal yoki to‘liq 
ishtirokisiz –pedagog tomonidan tashkil etilgan va uning ko‘rsatmalari yordamida amalga oshiriladi. 
Erkin o‘yinning ahamiyatini tushunish va e'tirof etish bilan birga, uyushgan o‘yinda pedagogning hal 
qiluvchi ro’lini ham tan olish kerak. Ta’limga zamonaviy yondashuvda ta’lim va tarbiya jarayonida 
o‘yin o‘ynash imkoniyatini ta'minlash kerak, rivojlantiruvchi muhit esa o‘yin o‘ynash imkoniyatiga 
hissa qo‘shishi kerak. O‘yin uchun sharoit yaratish, ya'ni bolalarni yetarli vaqt, joy,qo‘llab-
quvvatlovchi resurslar va o‘yinchoqlar bilan ta'minlash juda muhimdir. Maktabgacha yoshdagi 
bolalar bilan ishlaydigan pedagoglar bolalar o‘yiniga yordam berishlari muhimdir.Demak,o’yin 
faoliyati bolaning ta’lim-tarbiyasiga zamonaviy yondashishning zamini hisoblanadi.

---