KIRISh
Tadqiqot mavzusining dolzarbligi. O’zbek tilshunosligida paralingvistika imo-ishora, mimika va ovozning sifati bilan bog’liq masalalarni o’rganadi. Bu soha hozirgi kun tilshunosligining dolzarb bo’lgan sohalardan biridir. Paralingvistika sohasi hozirgacha to’liq o’rganilgan deb bo’lmaydi. Shuning uchun ham biz o’z taqqiqotimizda o’zbek tilida paralingvistik vositalarning xususiyatlarini o’rganishni maqsad qilib oldik.
Mustaqillik sharofati bilan milliy qadriyatlarni, boy ma’naviy boyliklarni o’rganishga keng yo’l ochildi. Davlatimiz rahbari I.A.Karimov o’zining barcha chiqishlarida ham tarixiy va ma’naviy sohalarga katta e’tibor qaratmoqda: «Hurfikrlilik, vijdon va din erkinligi qoidalarini qaror toptirish. Bir dunyoqarashning yakkahokimligi yangilangan jamiyatga yotdir. Har bir inson o’z e’tiqodi va diniga amal qilish, o’zining diniy marosimlarini bajo keltirish huquqiga ega. Bugungi kunda din barcha illatlardan, yolg’on va riyokorlikdan poklanishga, yuksak axloqiy negizlar va ma’naviy fazilatlarni qayta tiklashga ko’maklashmoqda. Islom - ota-bobolarimizning dini-musulmonlarning ongi, turish-turmushining mohiyati, hayotining o’zidir...». [1] Shunga ko’ra ham biz tanlagan mavzuning dolzarbligi o’z-o’zidan anglashiladi. Umuman olganda, o’zbek tilida paralingvistik vositalarning qo’llanilishini o’rganib chiqish hozirgi kunning dolzarb mavzularidandir.
Do'stlaringiz bilan baham: |
