Y3000 ta buxgalteriya O‘tkazmasi hisobvaraqlar rejasi bo‘yicha bog‘lanishlar* Muqaddima I bob. Buxgalteriya hisobi hisobvaraqlar rejasining umumiy tavsifi

T/r	Xo‘jalik operatsiyasining mazmuni	Bog‘lanuvchi schyotlar
Yozuvlarni tasdiqlovchi hujjatlar
	debet	kredit
1	Qat’iy hisobot varaqlari hisobga olingan	006		Yukxat
2	Ishlatilgan qat’iy hisobot varaqlari hisobdan chiqarilgan		006	Yukxat

007 "To‘lashga qobiliyatsiz debitorlarning zararga
o‘tkazilib hisobdan chiqarilgan qarzi" schyoti

007 "To‘lashga qobiliyatsiz debitorlarning zararga o‘tkazilib hisobdan chiqarilgan qarzi" schyoti qarzdorlarning to‘lashga qobiliyatsizligi tufayli zararga hisobdan chiqarilgan debitorlik qarzlarining holati to‘g‘risidagi axborotni umumlashtirish uchun mo‘ljallangan. Bunday qarz hisobdan chiqarilgan paytidan boshlab besh yil davomida qarzdorlarning mulkiy holati o‘zgargan vaqtda qarzni undirib olish imkoniyatini kuzatib borish uchun balansdan tashqari schyotda hisobga olinishi lozim.

Ilgari zararga hisobdan chiqarilgan qarzni undirib olish natijasida kelib tushgan summaga pul mablag‘larini hisobga oluvchi schyotlar 9390 "Boshqa operatsion daromadlar" schyoti bilan bog‘langan holda debetlanadi. Bir vaqtning o‘zida ko‘rsatilgan summaga 007 "To‘lashga qobiliyatsiz debitorlarning zararga o‘tkazilib hisobdan chiqarilgan qarzi" balansdan tashqari schyoti kreditlanadi. To‘lashga qobiliyatsiz kreditorlarning zararga o‘tkazilgan qarzi balansdan tashqari schyotda besh yil davomida hisobga olinishi lozim.
Tahliliy hisob har bir qarzdor bo‘yicha yuritiladi.