Turli kreditorlarga bo‘lgan uzoq muddatli qarzlarni
hisobga oluvchi schyotlarning (7900) bog‘lanishi
Turli kreditorlarga bo‘lgan uzoq muddatli qarzlarni hisobga oluvchi hisobvaraqlar korxonaning turli jismoniy va yuridik shaxslar oldidagi moliyaviy ijara, notijorat operatsiyalar (o‘quv yurtlari, ilmiy korxonalar va h.k.); transport korxonalarining ko‘rsatgan xizmatlari bo‘yicha; sud organlarining qarorlariga yoki ijro hujjatlariga asosan turli korxonalar va alohida shaxslar manfaati uchun korxona ishchilarining mehnat haqidan ushlangan summalar bo‘yicha uzoq muddatli majburiyatlari to‘g‘risidagi axborotlarni umumlashtirish uchun mo‘ljallangan.
Hisob quyidagi schyotlarda amalga oshiriladi:
7910 "To‘lanadigan moliyaviy ijara";
7920 "Turli kreditorlarga bo‘lgan boshqa uzoq muddatli qarzlar".
7910 "To‘lanadigan moliyaviy ijara" schyotida ijara olingan uzoq muddatli aktivlar uchun ijaraga beruvchi bilan hisob-kitoblar hisobga olinadi.
Korxonaga kelib tushgan uzoq muddatli aktivlar uchun ijaraga beruvchi oldidagi qarzlar 0310 "Moliyaviy ijara shartnomasi bo‘yicha olingan asosiy vositalar" schyoti bilan bog‘langan holda 7910 "To‘lanadigan moliyaviy ijara" schyotining kreditida hisobga olinadi.
Korxonaning turli kreditorlarga bo‘lgan uzoq muddatli qarzlari 7920 "Turli kreditorlarga bo‘lgan uzoq muddatli qarzlar" schyotining kreditida tovar-moddiy qiymatliklar va xarajatlarni hisobga oluvchi tegishli schyotlar bilan bog‘langan holda aks ettiriladi.
Do'stlaringiz bilan baham: |
