Yakka tadbirkorlik va qonuniy jixatlari

Reklama to‘g‘risidagi qonun va noto‘g‘ri reklamalardan 3 ta misol va uning 
izohini keltiring. 
Qonunda reklamada qo‘llaniladigan tilga, shuningdek, reklama mazmunini 
davlat tilidan boshqa tillarga tarjima qilishga nisbatan yangi talablar belgilandi. 
Yangilangan «Reklama tili» moddasiga ko‘ra, avvalgidek, ro‘yxatdan o‘tgan 
tovar belgilari va xizmat ko‘rsatish belgilari hamda logotiplar asl tilda ko‘rsatilishi 
mumkin. Reklamaning o‘zi davlat tilida tarqatilishi shart. Uning mazmuni quyidagi 
talablarni hisobga olgan holda boshqa tillarga tarjima qilinganda takrorlanishi 
mumkin: 

reklamaning boshqa tildagi tarjimasi matni uning davlat tilidagi ma’nosini 
buzmasligi kerak; 

tashqi reklama obyektidagi reklama tarjimasi matni davlat tilidagi reklama 
matnining pastki qismida gorizontal tarzda joylashtirilishi va umumiy reklama 
maydonining 40 foizidan oshmasligi kerak; 

tarjima matnining shrift o‘lchami davlat tilidagi reklama matni shriftidan kichik 
bo‘lishi kerak. 
Shuningdek, teleradiokanallar va bosma ommaviy axborot vositalarida 
tarqatilayotgan reklamaning tarjimasi kunlik umumiy reklama hajmining 20 
foizidan oshmasligi belgilandi. 
Reklamani davlat tilida joylashtirish va uning mazmunini tarjima qilish talabi 
quyidagi reklamalarga tatbiq etilmaydi: 

faqat chet tillarida chop etiladigan bosma nashrlarda va boshqa nashriyot 
mahsulotlarida; 

materiallarni faqat chet tillarida joylashtirgan axborot veb-saytlarida; 

chet tillarida efirga uzatiladigan ommaviy axborot vositalaridagi boshqa 
materiallarning televideniye, radio, video va kinoxronika dasturlari ko‘rsatilishi 
vaqtida. 
Monopoliyaga qarshi kurashish qo‘mitasi huzuridagi Iste’molchilar huquqlarini 
himoya qilish agentligi reklama muomalasi sohasidagi vakolatli davlat organi 
hisoblanadi. Agentlik reklama to‘g‘risidagi qonun hujjatlari ijrosini ta’minlaydi, 
reklama to‘g‘risidagi qonun hujjatlarini qo‘llash masalalari bo‘yicha tushuntirishlar 
beradi va uning talablari buzilganlik holatlari va boshqalarni aniqlaydi. 
Qonunda reklamaga nisbatan umumiy va maxsus talablar ham belgilangan. 
Xususan, reklamada axborot mazmunining buzilishiga olib keladigan va chet 
el valyutasida narxlar (tariflar) ko‘rsatilgan xorijiy so‘z va iboralardan foydalanish 
taqiqlanadi. 
Avvalroq, mazkur qonun bilan darsliklar va daftarlarda reklama bo‘lishi, milliy 
va oilaviy an’analarga zid obrazlardan, mashhurlar va tibbiyot xodimlari 
siymosidan foydalanish, tovar narxlarini valyutada ko‘rsatish taqiqlanayotgani 

---

haqida 
yozgandik
. Qolaversa, reklamalarda yosh tasnifi ko‘rsatilishi ham 
belgilanmoqda.