Yengil atletika va uni
Mashg‘ulotning musobaqalashuv davrida
Download 6.17 Mb. Pdf ko'rish
|
admin, Енгил атлетика дарслик
|
Mashg‘ulotning musobaqalashuv davrida sportchi ayollar
asosiy musobaqalarga tayyorlanadilar. Ammo mashg‘ulotlar bahorgi bosqichga ham o‘xshash bo‘lishi mumkin. Yilning boshida alohida turlardan tez-tez musobaqalarga qatnashib turish va ulardagi kamchiliklarni aniqlab, mashg‘ulot jarayonida tuzatib borish muhim. Shu bilan birgalikda, bu musobaqalar yettiku- rash bo‘yicha asosiy musobaqalarga tayyorgarlik ko‘rishga yordam beradi. Asosiy musobaqalar boshlangunga qadar, ko‘pkurashdan mashg‘ulot yuklamalarini pasaytirmasdan, 2-3 marta ko‘pkurash musobaqalarida qatnashish kerak. Musobaqalar har 2-3 hafta oraliq bilan o‘tkazilsa, sportchi ayollarning dam olishiga yetarlidir. Asosiy musobaqalarga ikki hafta qolganda mashg‘ulot yuklama- larini pasaytirib, 2-3 kun qolganda, to‘liq dam berish kerak. Yuqorida o‘nkurashchilar uchun ko‘rsatilgan musobaqadagi tartib beshkurashchi ayollarga ham taalluqlidir. Farqi shundaki, sportchi ayollar birmuncha boshqacharoq razminka o‘tkazishlari kerak. 546 G‘ovlar osha yugurish oldidan razminkaning birinchi qismi – sekin yugurish va hamma yengil atletikachilar uchun taalluqli bo‘lgan umumrivojlantiruvchi mashqlardan iborat, so‘ng g‘ov osharning maxsus mashqlari bajariladi. Barcha tayyorgarliklar startga 5-10 minut qolganda tamomlanadi. Yadro itqitishga tayyorgarlik musobaqaga 20 minut qolganda boshlanadi. Bu asosan yadro itqituvchining maxsus mashqlaridan iborat bo‘lib, musobaqadan 5-6 minut ilgari tamom bo‘ladi. Agarda balandlikka sakrash bevosita yadro itqitishdan keyin boshlanadigan bo‘lsa, yugurib kelishlarni belgilab olib, 2-3 marta planka ustidan sakrab o‘tish kerak. Ammo kuchni tejayman deb, sakrashni yuqoriroqdan boshlash mumkin emas. Chunki bunday tejamkorlik natijasida sportchi ayol o‘zining eng yaxshi natijasiga tayyorlanmay qolishi mumkin. Agarda musobaqa programmasiga binoan yadro itqitishdan keyin tanaffus beriladigan bo‘lsa, bu paytda razminka ikki qismdan iborat bo‘ladi. Birinchi qismi sekin yugurish va umumrivojlantiruvchi mashqlardan iborat bo‘lsa, ikkinchi qismi maxsus mashqlardan iborat bo‘ladi. Musobaqaning ikkinchi kunida uzunlikka sakrash oldidan sprintchilar va sakrovchilar uchun belgilangan odatdagi razminkani bajarishdan keyin, yugurib kelishni belgilab turib, 1-3 marta sakrab ko‘rish kerak. Birinchi urinishni dadillik bilan bajarib, keyingilarida sharoitga qarab o‘zgartirishlar kiritish mumkin. 200 m ga yugurish oldidan 3 / 5 tezlikda 100-150 m yugurib o‘tib, tayyorgarlikni startdan 8-10 minut oldin tugatish kerak. Ko‘pkurashlar musobaqasidan keyin 10-12 minut sekin yugurib, (o‘t ustida) nafasni rostlab, dushga tushish mumkin. Ko‘pkurashchilarning mashg‘ulotlari juda ham uzoq vaqt davom etadi. Shuning uchun to‘g‘ri ovqatlanish tartibiga rioya qilish kerak. Bundan tashqari, kuchni tiklashga yordam beruvchi S va V vitaminlarini iste’mol qilib turish kerak. To‘g‘ri ovqatlanish ayniqsa musobaqa paytida muhim ahamiyatga ega bo‘lib, natijalariga ta’sir qiladi. |
