Yosh fiziologiyasi va gigiyena

Neyron – nerv hujayrasi.
Kkal (kilokaloriya) – energiya o‘lchov birligi bo‘lib, 1 kkal 1 g suvni 1 ⁰S ga isitish uchun ketadigan energiyani ifodalaydi.
Qo‘zg‘alish – ma'lum to‘qimalarning ta'sirotlarga nisbatan javob reaksiyasi. Qo‘zg‘alish natijasida biror faoliyat amalga oshiriladi.
Dominanta – biror nerv markazining boshqasidan ustun bo‘lib turishi.
Dinamik stereotip – biror faoliyatni doimiy ravishda bajarish tufayli unga nisatan kuchli ko‘nikma hosil bo‘lishi.
Birinchi signal tizimi – tashqi dunyo bilan aloqa o‘rnatishda qatnashadigan barcha sezgi a'zolari.
Stress holat – har xil tashqi muhit omillari ta'sirida organizmda yuzaga keladigan holat. Stress holatlar va ta'sirotlar hazm jarayoniga salbiy ta'sir ko‘rsatadi.
Vatt – yorug‘lik kuchini va quvvatini ifodalovchi kattalik.
Fermentlar – oziq moddalarni yuqori birikma holidan kichik birikmalar holigacha parchalovchi moddalar bo‘lib, ular asosan oqsillardan tashkil topgan. Ovqatlanish va ovqat hazm qilish fiziologiyasi fanida asosan gidrolitik (parchalovchi) fermentlar o‘rganiladi.
pH – muhitning vodorod ionlari ko‘rsatkichini anglatadi. rN kislotali (1 dan 7 gacha) va ishqoriy (7 dan 14 gacha) bo‘lishi mumkin.
Gormonlar – ichki sekretsiya bezlaridan ajraladigan suyuqliklar bo‘lib, juda kichik dozada ham kuchli ta'sir ko‘rsatadi.
Eritrotsitlar – yadrosiz qizil qon tanachalari bo‘lib, tarkibida gemogloyubin bor. U nafas olishda, gazlarni tashishda ishtirok etadi.
Leykotsitlar – oq qon tanachalari bo‘lib, organizmning kasalliklarga kurashish qobiliyatini, ya'ni immunitetni shakllantiradi.
Trombotsitlar –qon plastinkalari bo‘lib, fibrin to‘r yordamida qonning ivishida ishtirok etadi.
O‘pkaning tiriklik sig‘imi – odam bir marta chuqur nafas olganda o‘pkaga sig‘adigan maksimal havo miqdori. U spirometr yordamida o‘lchanadi
Nefron – buyraklarning funksional birligi bo‘lib, bir qancha murakkab tizimchalar yig‘indisidan iborat.