Yosh fiziologiyasi va gigiyena

O’quvchilarda eshitish o`tkirligini aniqlash.
Jihozlar. uzunligi 5 metrdan kam bo‘lmagan tinch xona, stul, tekshiriluvchi.
Ishni bajarish tartibi.

1. 
   Tekshiriluvchi tekshiruvchiga nisbatan orqa tomoni bilan stulga o‘tiradi. Bundan maqsad-tekshiriluvchi, tekshiruvchining og‘ziga qarab, uning lablari harakati orqali so‘zlarni aniqlab olmasligini ta‘minlash.
   
2. 
   Tekshiruvchi 5 metr masofadan sekin tovush bilan gapiradi, savol beradi.
   
3. 
   Agar tekshiriluvchi bir qulog‘ini barmog‘i bilan yopgan holda kuchsiz tovushni, savolni eshitsa va javob qaytarsa, eshitish o‘tkirligi normal hisoblanadi. Shunday tarzda ikkinchi qulog‘ini eshitish o‘tkirligi ham aniqlanadi.
   
4. 
   Agar tekshiriluvchi tovushini, savolni eshitmasa, eshitish o‘tkirligi pasaygan deyilib, lor duxtiriga yuboriladi va tibbiy asboblar yordamida kengaytirilgan tekshiruvdan o‘tkaziladi.
   

5-mavzu: O`quvchilar jismoniy rivojlanishini gigiyenik baholash.


Mavzuning ahamiyati: Bolalar va o’smirlarni jismoniy rivojlanishini asosiy ko’rsatkichlariga bo’y uzunligi, tana og’irligi, ko’krak qafasini aylanasi kiradi. Bularga samotometrik ko’rsatgichlar deyiladi.
Jismoniy rivojlanishning qo’shimcha ko’rsatgichlariga o’pkaning tiriklik sig’imi, qo’l va bel muskullarini ko’chini aniqlash kiradi. Bularga fiziometrik ko’rsatgichlar deyiladi.
Bulardan tashqari teri osti yog’ qatlamini taraqqiy qilganligi; ko’krak qafasi, orqa va elka, oyoqlar va tovon shakli, qomat kabilar ham jismoniy rivojlanishning qo’shimcha ko’rsatkishlari bo’lib, ularni samotoskopik ko’rsatkichlar deyiladi.


Ishdan maqsad:
1.Organizmni jismoniy rivojlanishi haqidagi nazariy bilimlarni mustahkamlash.
2.Jismoniy rivojlanishni asosiy ko’rsatgichlarini aniqlash usullari (antropometriya) ni o’rgatish.
3.Olingan natijalar bo’yicha jismoniy rivojlanish ko’rsatkichlarini baholash.