Yuqoridagilarni inobatga olib, qorako‘lchilik tarmog‘ini davlat tomonidan qo‘llab-quvvatlash

Jun sifati. Bahor mavsumida qirqib olinadigan qorako‘l junlari odatda yaxlit xolda olinadi va ular avvalo qirqim punktining o‘zida amalda bo‘lgan davlat standarti GOST 7935 – 79 talablari asosida ranglarga, xolatlarga va boshqa belgilariga ko‘ra xillanadi.
Qorako‘l qo‘ylari juni dag‘al junlar qatoriga kirishiga qaramasdan etarli darajada tekis, tolalari to‘lqinsimon jingalaklikga ega bo‘lib, tarkibida kilchiq tola miqdori nisbatan kam, oraliq jun va tivit tolalarning miqdori ancha ko‘pdir. Ba’zi vaqtlarda junning ost qismlarda kepaklar uchrab turadi.
Bahorgi qirqimda qorako‘l qo‘ylari juni amaldagi davlat standartiga ko‘ra ranglariga ko‘ra och ko‘k va har xil ranglardagi (rangdor), sifatiga ko‘ra esa 1, 2 va 3 klasslarga, ifloslanish holatlariga va musahkamlik darajasiga ko‘ra esa normal, ifloslangan (repeynaya) 1 va 2 guruhga junlarga bo‘linadi.
«Qorovulbozor» naslchilik xo‘jaligida o‘tkazgan tajribalarimiz natijalari qorako‘l qo‘ylar junining sifatiga ular har xil konstitutsiya tiplarning ham ta’siri borligini ko‘rsatdi.


7-jadval
Qo‘ylar junining sifati

Konstitutsiya tiplari	Yapog‘i soni	Shu jumladan soni
		Och ko‘k		Rangdor
		I – klass	II – klass		I – klass	II – klass
Mustahkam	15	4	3		5	3
Qo‘pol	15	3	3		5	4
Nozik	15	3	3		6	3
Qirriq	5	1	1		2	1

Yuqoridagi keltirilgan jadval ma’lumotlardan ko‘rinib turibdiki, qo‘pol tipli qo‘ylarda II – klass qo‘ylar 7 bosh bo‘ladigan bo‘lsa, mustahkam tipli qo‘ylarda 6 boshga to‘g‘ri keldi, nozik tipli qo‘ylarda ham xuddi mustahkam konstitutsiya tipiday bo‘ldi. Qirriq konstitutsiya tipida esa 2 bosh II – klass qo‘ylar uchradi.

Sur rang qo‘ylar yoshining oshib borishi bilan oq tolalarning oshishiga olib keladi. Shu sababli ham qimmatli oq yappog‘i jun barcha konstitutsiya tiplarida uchradi.