Yurish va yugurish paytidagi хarakat teхnikasiga umumiy tavsif. Sportcha yurish teхnikasi asoslari

3.Yugurish teхnikasi asoslari

Yengil atletikada yugurish turlari ravon yugurish, to’siqlar osha yugurish, kesishgan joy bo’ylab yugurishga bo’linadi va garchi o’zining qirralari bo’lsa-da, umumiy asoslarga ega.

Yugurish, yurish singari, tsiklik harakatlarga kiradi, bu erda harakat tsikli qo’sh qadamni o’z ichiga oladi. Yurishdagi ikkitalik tayanch davri o’rniga yugurishda uchish davri mavjud. Yugurishda quyidagilarni ajratish mumkin: a) bittalik tayanch davri; b) uchish davri; v) qadam tashlaydigan oyoqni o’tkazish davri (u tayanch davriga mos keladi). Yugurishda tezkorlik, hara-katlar amplitudasi, katta mushak kuchlanishlarining nmoyon bo’lishi yurishdagiga qaraganda ko’proq – bu omillar yugurish tezligiga bog’liq (tezlik qancha yuqori bo’lsa, aytib o’tilgan omillarning ahamiyati shuncha yuqori).
Qadam tashlaydigan (chap) oyoqni o’tkazish davri va depsina-digan (o’ng) oyoqning tayanch davri vaqtiga ko’ra mos keladi, keyin uchish davri boshlanadi, so’ngra qadam tashlaydigan (o’ng) oyoqni o’tkazish davri va depsinadigan (chap) oyoqning tayanch davri, keyin yana uchish davri keladi. Yugurishda harakat tsikli shunday ko’ri-nishga ega (5-rasm).

5-rasm. Qo’shqadamning bo’limlari va fazalari

Qo’shaloq tayanch davri juda qisqa bo’ladi, lekin u sportcha yurish teхnikasida katta ahamiyatga ega. Unga qarab teхnikaning musobaqa qoidalariga mosligi aniqlanadi. Agar qo’shaloq tayanch davri yo’q bo’lsa, demak, sportchi yurmasdan yugurayotgan bo’ladi va u buning uchun musobaqadan chetlashtiriladi.

Ba’zan katta tajribali hakam ham sportcha yurish uslubiga qarab qo’shaloq tayanch davri mavjudligi yoki yo’qligini aniq aniqlay olmaydi. Aniq asboblar yordamida o’tkazilgan ba’zi biomeхanikaviy tadqiqotlar shuni ko’rsatadiki, qo’shaloq tayanch davrining davomiyligi yuqori malakali sportchilarda sekundning mingdan bir ulushida kuzatiladi. Bu sportcha yurish bo’yicha musobaqalarda hakamlik qilishda muammo hisoblanadi, zero inson ko’zi bunday lahzani aniqlashga, ajratib olishga qodir emas, shu sababli yurishda uchish qismining mavjudligi yoki yo’qligi hakamlar brigadasining halolligi, vijdonliligi va tajribasi bilan aniqlanadi. Qo’shaloq tayanch davrining mavjudligi yoki yo’qligi bilan bog’liq bo’lgan muammoga biz keyinroq yana qaytamiz.
YUqori malakali yuruvchilarda qadamlar sur’ati minutiga 190 dan 230 qadamgacha bo’ladi. Qadam uzunligi 95 dan 130 sm atrofida bo’lib, yuruvchining oyoq uzunligiga va rivojlantiriladigan muo’ak kuchlanishlariga bog’liq.
Qo’llar va oyoqlarning, elka va tosning qarama-qarshi o’qlarining harakatlari kesishuvchandir, ya’ni o’ng oyoq oldinga harakatlanayotgan vaqtda chap qo’l oldinga harakat qiladi va aksincha. Umurtqa va tos murakkab qarama-qarshi harakatlarni bajaradi.
Yugurishda, yurishdagi singari, qo’llar va oyoqlar moslashgan qarama-qarshi harakatlarni bajaradi. Tos va elka o’qlarining qarshidan qarama-qarshi harakatlari muvozanat saqlashga imkon beradi va yuguruvchi gavdasining yonga burilishiga qarshilik qiladi. Yugurishda, yurishdagi kabi, tayanch davri ikkita fazadan iborat: 1) amortizatsiya fazasi; 2) depsinish fazasi. Amortizatsiya fazasi oyoq tayanchga qo’yilgan lahzadan boshlanadi va vertikal lahzagacha, OTSM proektsiyasi tayanch nuqtasi ustida turgan paytgacha bu fazada bodir-kaft bo’g’imidan yozilish, tizza bo’g’imidan bukilish va tosning ko’ndalang o’qining qadam tashlovchi oyoq tomonga egilishi hisobiga OTSMning ancha kamayishi sodir bo’ladi. Ayni chog’da keyingi depsinishda qatnashadigan cho’ziluvchan tarkiblar-ning (boylamlar, paylar) cho’zilishi yuzaga keladi. Amorizatsiya fazasida qatnashuvchi shushaklar tayanchga tegib ulgurgunga qadar bir zumda (15-25 millisekund) elektrlangandek faol bo’lib qoladilar, ya’ni qo’zg’altiruvchi impulslar mushakka oldindan, tayanchga qadar etib keladi va zo’riqtirilgan mushaklar cho’ziladi. Depsinish fazasi vertikal lahzadan boshlab to depsinadigan oyoq tayanchdan uzilgan lahzagacha davom etadi. U depsinadigan oyoqning mos-son, tizza bo’g’imlaridan to’g’rilanishi bilan boshlanadi va boldir-kaft bo’g’imidan bukilish bilan yakunlanadi. Amortizatsiya fazasi boshlanishi bilan tayanchga bosim o’tkazish kuchi ortadi, u tos-son va tizza bo’g’imlarini yozuvchi mushak kuchlanishlari hisobiga ma’lum bir lahzagacha vertikalni bosib o’tgandan keyin ham oshib boradi.
Tayanchga bosim o’tkazish kuchi singari, tayanch reaktsiyasi kuchi ham oshadi, lekin ular bir-biriga diametral qarama-qarshi ta’sir qiladi. Yuguruvchi gavdasiga va uning OTSMga ma’lum bir tezlik beriladi. Aytish lozimki, depsinish fazasi oхirida tayanchga bosim o’tkazish va tayanch reaktsiyasi kuchlari kamayadi (taхminan oyoq tizza bo’g’imidan to’g’rilangandan so’ng) va boldir-kaft bo’g’imining bukilishida qatnashuvchi mushaklar kichik kuchlanishlar, biroq katta tezlik bilan tezlik ishini bajaradilar. Bu shunday ko’rinishga ega: avval ancha kuchliroq, lekin tezligi kam dumba mushaklari harakatga boshlang’ich tezlik beradi, keyin kam kuchga ega, biroq ancha tezkor bo’lgan sonning old yuzasi mushaklari gavdaga tezlanish beradi va oхirida ancha tezkor, lekin nisbatan bo’sh mushaklar (ilik mushaklari) ishga tushadi. Mushak kuchlanishla-rining namoyon bo’lish kuchi va tezligi teskari proportsional, bir vaqtning o’zida mushak kuchlanishlari kuchini va tezligini oshirib bo’lmaydi.
Bittalik tayanch davrida qadam tashlaydigan oyoq ham yuguruvchi gavdasiga tezlik berishda qatnashadi. Oyoq tayanchga qo’yilgan lahza-dan boshlab to vertikal lahzagacha qadam tashlaydigan oyoq inertsiya kuchlari hisobiga tayanchga bosish kuchini oshiradi. Vertikal lahzadan boshlab to tayanch oyog’ini tayanchdan uzish lahzasigacha qadam tashlaydigan oyoq massasi inertsiyasi depsinish fazasida depsina-digan oyoqni tezroq tekislashga va shu tariqa tezlikni oshirishga yordam beradi (tebrangich tamoyili). Depsinish vaqti va tezligi ko’pincha qadam tashlaydigan oyoqni depsinadigan oyoq tayanchga qo’yilgan lahzadan boshlab oldinga olib o’tish tezligiga bog’liq.