Yurituvchi subyektlar faoliyatini rejalashtirish va byudjetlashtirish
Download 253.74 Kb. Pdf ko'rish
|
4-bob (3)
|
Mehnat xarajatlari byudjeti. Bu byudjet ishlab chiqarilgan
mahsulot yoki xizmatlar sonini har bir mahsulot birligiga soatlarda sarflangan mehnat normasiga ko‘paytirish orqali topilib, rejalashtirilgan ishlab chiqarish hajmini bajarish uchun zarur bo‘lgan kerakli ish vaqtini soatlarda belgilab beradi. Shu yoki alohida boshqa hujjatda zarur bo‘lgan ish vaqtini soatbay ish haqiga ko‘paytirish orqali pul ko‘rinishidagi mehnat xarajatlari aniqlanadi. Umumishlab chiqarish xarajatlari. Bu byudjet xomashyo va ish haqi xarajatlaridan farqli ravishda kutilayotgan ishlab chiqarish xarajatlari rejasi ko‘rinishida bo‘ladi. Bu byudjet quyidagi ikki maqsadni ko‘zlaydi: 1. Ishlab chiqarish va xizmat ko‘rsatish bo‘yicha menejerlar tomonidan tuzilgan barcha umumishlab chiqarish xarajatlari byudjetlarini birlashtirish; 2. Ushbu ma’lumot yig‘ilganidan so‘ng, hisobot davrida yuqorida ko‘rsatilgan xarajatlar me’yorini hisoblash hamda kelgusida ishlab chiqarishi mo‘ljallanayotgan mahsulot birligi bo‘yicha ularni taqsimlash yoki boshqa ixtiyoriy olingan har qanday xarajat obyektlari bo‘yicha tannarxni hisoblash imkonini beradi. Umumiy va boshqaruv xarajatlari byudjeti. Bu byudjet ishlab chiqarish va sotuv xarajatlaridan farqli ravishda tegishli bandlarga ajratilgan joriy operatsion xarajatlar rejasi bo‘lib, xo‘jalik yurituvchi subyektning kelgusidagi umumiy faoliyatini qo‘llab-quvvatlashga xizmat qiladi. Bu byudjetning ishlab chiqilishi pul mablag‘lari byudjetini 167 tayyorlashda va uni nazorat qilishda ishlatiladigan ma’lumotni aniqlashda yordam beradi. Shuningdek, bu ma’lumot rejalashtirilgan davr uchun xo‘jalik yurituvchi subyekt faoliyatining moliyaviy natijasini aniqlash uchun ham ishlatiladi. Bu byudjetning aksariyat bandlari doimiy xarajatlardan iborat. Foyda va zararlar to‘g‘risidagi kutilayotgan hisobot. Tayyorlangan davriy byudjetlarga asoslanib xo‘jalik yurituvchi subyektning bosh menejeri yoki byudjetni tuzish bo‘yicha mutaxassis xomashyo va materiallar, mehnat sarfi va umumishlab chiqarish xarajatlari byudjetlaridan foydalangan holda sotilgan mahsulot tannarxi istiqbolini ishlab chiqishni boshlashi mumkin. Daromadlar to‘g‘risidagi ma’lumotlar sotuv byudjetidan olinadi. Kutilayotgan daromadlar va mahsulot sotish tannarxi to‘g‘risidagi ma’lumotlardan foydalanib hamda ularga tijorat, umumiy va boshqaruv xarajatlaridan olingan ma’lumotlarni qo‘shib, foyda va zararlar to‘g‘risidagi kutilayotgan hisobotni ishlab chiqish mumkin. Shuni alohida ta’kidlab o‘tish lozimki, ushbu hisobotni tuzish operativ byudjetni ishlab chiqishda eng yakuniy qadam hisoblanadi. Moliyaviy byudjet. Moliyaviy byudjet bu moliyaviy mablag‘larning kutilayotgan manbalari va ulardan kelgusi davrda foydalanish yo‘nalishlarini o‘zida aks ettiruvchi rejadir. Moliyaviy byudjet foyda va zararlar to‘g‘risidagi hisobot byudjeti bilan birgalikda kapital xarajatlar byudjeti, xo‘jalik yurituvchi subyektning pul mablag‘lari byudjeti va ularning asosida tuzilgan buxgalteriya balansi va pul mablag‘lari harakati to‘g‘risidagi hisobot kabi hujjatlarni o‘z ichiga qamrab oladi. Kapital xarajatlar byudjeti. Kapital quyilmalar ehtiyojini aniqlash va ular uchun investitsion resurslarni jalb qilish boshqaruv hisobining kompleks vazifasi hisoblanadi. Bunday qaror qabul qilish uchun tanlangan mezon asosida investitsion rentabellikni aniqlash bilan bog‘liq qanday uzoq muddatli aktivlarni sotib olish yoki qurish masalasini hal 168 qilish muammosi mavjud. Uzoq muddatli kapital quyilmalarga oid ma’lumot sotib olish yoki qurilish xarajatlariga, shuningdek, kreditlar uchun foiz to‘loviga, foyda va zararlar to‘g‘risidagi hisobotga, kutilayotgan buxgalteriya balansiga, asosiy vositalar va boshqa uzoq muddatli aktivlar hisob raqamidagi qoldiqni o‘zgartirib, pul mablag‘lari byudjetiga ta’sir ko‘rsatadi. Shu borada kapital xarajatlar bo‘yicha barcha qarorlar rejalashtirilishi va umumiy byudjetga kiritilishi lozim. Barcha joriy byudjetlar bir-biri bilan chambarchas bog‘liqdir. Kutilayotgan sotuv byudjetni tuzish jarayonida dastlabki qadam hisoblanadi. Undan keyin tijorat xarajatlari byudjeti ishlab chiqiladi. Shuningdek, xomashyo materiallarini xarid qilish va undan foydalanish byudjeti, mehnat byudjeti va umumishlab chiqarish byudjetlari asosida tuziladigan ishlab chiqarish byudjeti kutilayotgan sotuv hajmiga bog‘liq. Ko‘p hollarda umumiy va boshqaruv xarajatlari hamda kapital quyilmalar byudjeti boshqaruvning yuqori darajalari qabul qilinadi. Lekin bu ma’lumotning asosiy qismi xo‘jalik yurituvchi subyektning bo‘linmalari darajasida qayta ishlanadi va davriy byudjetga qo‘shiladi. Pul mablag‘lari byudjeti. Bu byudjet xo‘jalik yurituvchi subyektning umumiy faoliyatini rejalashtirish jarayonida eng asosiy byudjetlardan biri hisobalanadi. Kutilayotgan moliyaviy holat to‘g‘risidagi hisobot. Umumiy byudjetni tayyorlashdagi yakuniy qadam kutilayotgan moliyaviy holat yoki xo‘jalik yurituvchi subyekt uchun buxgalteriya balansi loyihasini ishlab chiqish hisoblanadi. Pul mablag‘lari byudjeti tayyorlangandan so‘ng, byudjet davri yakuni bo‘yicha kutilayotgan pul mablag‘lari qoldig‘i to‘g‘risidagi ma’lumotga ega bo‘lib va sof foyda hamda zarur bo‘lgan kapital quyilmalari summasini aniqlagan holda asosiy byudjet tuzish jarayonining yakuniy mahsuli bo‘lgan kutilayotgan buxgalteriya balansini tayyorlash imkoniyati tug‘iladi. 169 Aynan shu nuqtada boshqaruv taklif etilayotgan umumiy byudjetni qabul qilish yoki ushbu rejani o‘zgartirish hamda byudjetning ayrim qismarini qayta ko‘rib chiqish borasidagi yakuniy qarorga kelishi lozim. Byudjetning bajarilishi bo‘yicha barcha ma’suliyatni ushbu byudjetni tuzish bo‘yicha ijrochi, ya’ni buxgalter o‘z zimmasiga oladi. Rivojlangan bozor iqtisodiga ega mamlakatlarda bu masalani bevosita moliyaviy menedjer bajaradi. Ushbu jarayonning muvaffaqiyatli amalga oshirilishi ikkita muhim holatni keltirib chiqaradi. Birinchidan, xo‘jalik yurituvchi subyektning barcha mas’ul shaxslari tomonidan o‘z maqsadlarini aniq bilishi va kutilayotgan holatlar to‘g‘risida aniq tasavvurga ega bo‘lishlari uchun sharoit yaratiladi. Xo‘jalik yurituvchi subyekt faoliyatiga jalb etilgan har bir xodim ulardan nima kutilayotganligini bilishlari, o‘z maqsadlariga qanday erishishi mumkinligi to‘g‘risida ko‘rsatmalarga ega bo‘lishlari zarur. Ikkinchidan, rahbariyat tomonidan ana shu byudjet ko‘rsatkichlarining bajarilishi asosida xodimlarni qo‘llab-quvvatlash va moddiy rag‘batlantirish tizimi ishlab chiqilishi kerak. Byudjetni tuzish jarayoni qanchalik qiyin bo‘lmasin, u faqatgina yuqori turgan rahbar yakuniy natijaga erishishga haqiqatdan ham qiziqsa, o‘rta va past darajadagi rahbarlar bunga ishonch hosil qilsagina hamda barcha bajarilgan ishlar uchun rag‘batlantirish tizimi kiritilsa bu narsa amalga oshishi mumkin. Byudjetning bajarilishini baholash amalda erishilgan natijalarning rejalashtirilgan byudjetdan chetlanishi tahliliga asoslanadi. |
