Z. M. Yakubov cholg`u ijrochiligi

Mavzu yuzasidan savol va topshiriqlar. 
 1. Dars boshlanishida o`qituvchi kayfiyatining talabaga ta‘siri 
haqida gapiring. 
 2. Ansambl ijrochiligining umumiy qoidalarini sanab bering. 
 3. Cholg‟ularni sozlashda nimalarga e‘tibor berish kerak? 
 4. Cholg`ularning mashg`ulot xonasida saqlanishi bo`yicha 
nimalarni bilasiz? 
 5. Cholg`ularni saqlashda nimalarga e‘tibor berish kerak? 

---

40 
2.4. GIJJAK CHOLG`U IJROCHILIK TEXNIKASIGA OID 
MASALALAR 
Texnika so‗zi cholg`u ijrochiligida qanday o`rin tutadi va nima 
uchun ijrochilik texnikasi deymiz? Ba‘zida tezkor ijroni texnikaga 
yo`yamiz. Bu ne chog`liq to`g`ri. Texnika so`zi deyarli barcha 
jabhalarda ishlatiladi. Faraz qilaylik, paxta terish mashinasi ham texnika 
mahsuli. Mashina qo`l kuchidan ko`ra bir necha marta ko`proq va tezroq 
paxta teradi. Nima uchun? Mashinadagi yuzlab, minglab qismlarning har 
biri o`z vazifalarini (funksiyalarini) bir paytning o`zida aniq, to`g`ri, 
qoidaviy tarzda bajarganligi natijasida bunday tezkorlik vujudga keladi. 
Agar biror qismi noto`g`ri ishlasa yoki buzilsa bunday tezkor natijaga 
erishib bo`lmas edi, albatta. Demak, texnika faqatgina tezkorlikdan 
iborat emas ekan. Uni to`g`ri, aniq va qoidaviy harakatlar yig`indisi 
natijasida hosil bo‗ladigan tezkorlik desak to`g`ri bo`lar ekan.
Cholg`u ijrochiligida ham texnika birinchi navbatda necha davrlar 
mobaynida sinalgan, qat‘iy isbotlangan qoidalarga rioya qilingan holda 
shakllantirilgan ko‗pgina bilim va ko‗nikmalarni to‗g‗ri bajarish ustiga 
qurilgan xarakatlar hamda xarakatlarning natijasida hosil bo‗lgan 
tezkorlik deyilsa ayni xaqiqat. Huddi shunday natijaga erishish uchun 
ko‗pgina bilim va ko‗nikmalarni alohida-alohida o‗zlashtirib o‗rganish 
kerak. 
G`ijjakda tovush hosil qilish uslublari, shtrixlar, chap qo`l 
barmoqlarining cholg‗u dastasidagi joylashish holatlari (pozitsiya, 
applikatura), vibratsiya, flajolet, gamma va etyud kabilarning hammasi 
sozandaning asosiy quroli hisoblanadi. Garchan bu ko`nikmalar bilan 
baholi qudrat tanish bo`lsangizda, bular hususida yanada chuqurroq 
bilimga ega bo`lish maqsadga muvofiq. G`ijjakda ikki xil uslubda, 
asosan, kamon yurgizish va torlarni chertish orqali tovush hosil qilinadi.