Закон Республики Узбекистан «О банках и банковской деятельности»

Чора ва санкциялар
Қўпол қоидабузарлик учун	Жиддий қоидабузарлик учун	Жузъий қоида бузарлик учун
банкка нисбатан
штраф
қоидабузарлик натижасида олинган даромаднинг 2 бараваригача; олинган соф фойданинг 5 фоизигача; банк жами капиталининг 1 фоизигача.	қоидабузарлик натижасида олинган даромаднинг 1,5 бараваригача; олинган соф фойданинг 2 фоизигача; банк жами капиталининг 0,5 фоизигача.	қоидабузарлик натижасида олинган даромадни; олинган соф фойданинг 1 фоизигача; банк жами капиталининг 0,1 фоизигача.
Марказий банк томонидан кўриладиган чоралар (51-модда)	Марказий банк томонидан кўриладиган чоралар (51-модда)	–
Лицензияни чақириб олиш	–	–
банк кузатув кенгаши, бошқаруви аъзоси ёки муҳим аҳамиятга эга ходимига нисбатан
штраф
жарима қўлланилаётган ойдан аввалги бир йил ичида олинган мукофотнинг 100 фоизгача;	жарима қўлланилаётган ойдан аввалги бир йил ичида олинган мукофотнинг 75 фоизгача;	жарима қўлланилаётган ойдан аввалги бир йил ичида олинган мукофотнинг 50 фоизгача;
Марказий банк қоидабузарликлар, қоидабузарларга нисбатан қўлланилган чоралар ва санкциялар тўғрисидаги хабарни оммавий ахборот воситаларида эълон қилишга ҳақли

Қонун: Қоидабузарликлар, чора ва санкциялар
Банк шахсни банкнинг хизматидан ёки маҳсулотидан фойдаланиш шарти сифатида банкнинг ёки ўзга учинчи шахснинг бошқа банк хизматидан ёки маҳсулотидан фойдаланишга мажбур қилмаслиги керак.
Банк хизматлари кўрсатишнинг умумий шартлари, воситачилик ҳақи, тарифлар ва банк хизматлари кўрсатганлик учун фоиз ставкалари тўғрисидаги ахборот очиқ ахборот бўлиб, улар банкнинг расмий веб-сайтида эълон қилинади. Мазкур ахборот тижорат ёки банк сирининг предмети бўлиши мумкин эмас.
Банк хизматлари кўрсатиш шартномаси тузилгунига қадар истеъмолчига улар тўғрисидаги ахборотнинг тўлиқ ошкор қилиниши таъминланиши керак. Кўрсатиладиган банк хизматларининг шартлари ва қиймати ҳақидаги ахборотни мижозга тақдим этишни рад қилишга йўл қўйилмайди.
Банклар кредит бериш қандай шартлар асосида амалга оширилаётганлиги ҳақида, шу жумладан кредитнинг (қарзнинг) тўлиқ қиймати тўғрисида мижозга ахборот бериши керак.
Банклар мижозларнинг мурожаатларини кўриб чиқиш тартиб-таомилини ўз ичига олган тартибга эга бўлиши шарт. Мижозларнинг мурожаатлари банкка келиб тушган кундан эътиборан ўн беш кундан кечиктирмай, қўшимча ўрганиш ва (ёки) текшириш, қўшимча ҳужжатларни сўраб олиш талаб этилганда эса бир ойгача бўлган муддатда кўриб чиқилиши ва ёзма ёки электрон шаклда жавоб берилиши керак.
Қонун: Банк хизматлари истеъмолчиларининг ҳуқуқлари ва қонуний манфаатларини ҳимоя қилиш