Zamonaviy genetika morfologik, fiziologik va biokimyoviy jihatdan zamonaviy tibbiyotning nazariy poydevori hisoblanadi

Yaqin qarindoshlar nikohi nima uchun xavfli, bu to`g`risida biz nima 

bilamiz?  

Fazilat  o‘zi  birga  o‘ynab  katta  bo‘lgan  amakivachchasi  Bahrom  bilan  kun 

kelib  bir yostiqqa bosh qo‘yishini xayoliga  ham keltirmagandi. 

Ulg`ayganida  ham  uni  o‘z akasidek ko‘rardi. Balog`at yoshida ular hatto bir-

biriga  sirdosh  edi:  Bahrom  o‘zi  ko‘ngil  qo‘ygan  qiz  haqida  Fazilat  bilan  soatlab 

suhbatlashar,  Fazilat  ham  ortidan  ergashib  yurgan  tengdosh  yigitlar  to‘g`risidagi 

sirlarini  faqat u bilan  o‘rtoqlashardi. 

Vaqt  o‘tib,  har  ikki  oila  kattalarining  qarori  ularni  dovdiratib  qo‘ydi. 

Yoshlarning  «uni  singlimday  (akamday)  ko‘raman-ku»  degan  gaplariga  javoban 

«hali  yosh-da,  nimaniyam  bilardi  bular»,  deya  kulib  qo‘ya  qolishdi.  «Begonadan 

ko‘ra  o‘zimizniki  yaxshi!»  Ana  shu  qaror  tufayli  ikki  sirdosh  «aka-singil» turmush 

qurishdi.  Avvaliga  hammasi  yaxshidek  edi,  biroq…  ketma-ket  ikki  farzandning 

tug`ma  nuqsonlar  bilan  dunyoga  kelishi  yomg`irdan  oldingi  chaqmoqdek 

yuraklarni  larzaga  soldi.  To‘ydan  oldin  «shuncha  aka-uka,  opa-singillar  quda 

bo‘layapti,  hech  nima  qilgani  yo‘q-ku,  o‘zingnikidan  qo‘ymasin»,  deya  hech 

kimga  gap  bermagan  ammayu  xolalar  ham,  «e,  vahima  qilmanglar,  falonchilar  ham 

qarindosh,  ana,  bolalari  chopqillab  yuribdi,  soppa-sog`»,  deya  oila  kelajagini 

o‘ylab  kuyinganlarni  koyigan  tog`ayu  amakilar  ham  mum  tishlab  qolishdi.  Rost-

da, endi biror gap aytishdan ne naf? G`isht qolipdan ko‘chib bo‘lgandi…  

Eng    so‘nggi    chora  —  to‘g`ri  xulosa  qila  bilish.  Bir  paytlar  gazetada yaqin 

qarindosh  bilan  quda  bo‘lmaslik  ma‘qulligi  haqida  qisqagina  mulohaza  chop 

etganimizda  tahririyat  telefonlari  tinmagandi  deydi  ―Oila  davrasida‖  gazeta 

muhbiri  Respublika  salomatlik  va tibbiy statistika  instituti  matbuot xizmati. 

 Quda  bo‘lgan  qarindoshlar  yoki  shu  arafada  turganlar e‘tiroz bildirishgandi. 

O‘zaro  quda-anda  bo‘lib,  «og`zi  kuygan»lar  esa  o‘zidan  o‘tganini  o‘zi  biladi. 

Ammo  biz  bir  chetda  chapak  chalib  turolmaymiz.  Aslida  nafaqat  biz,  siz  ham 

bunday  holatlarga  befarq  bo‘lmasligingiz  lozim.  Axir  sog`lom  farzand  —  sog`lom 

oila,  sog`lom  jamiyat,  sog`lom  millat  degani.  Axir  har  birimiz  shu  jamiyat,  shu 

millatning  vakilimiz.  Yaqin  qarindoshlar  nikohi  esa  millatning  irsiy  zaiflashuviga 

---

olib  keluvchi  omillardan  sanaladi.  Yuragingizning  tub-tubiga  nazar  solib  ko‘ring: 

kelajakda  ham  o‘zbekmiz  deb  ko‘ksimizni  kerib  yurishimiz  uchun  kelajak 

avlodning  har  tomonlama  sog`lom  bo‘lishiga  erishishimiz  qanchalik  muhimligini 

anglaysiz.  Gapning  indallosini  qilib,  keling,  mutaxassislarga  murojaat  etamiz.