Zamonaviy kutubxonada odamlarni jalb qilish

audiovizual resurs — texnik vositalar yordamida qayta aks ettiriladigan tasviriy, ovozli va matnli axborotdan iborat axborot-kutubxona resursi;
axborot-kutubxona muassasasi — “Axborot-kutubxona faoliyati to‘g‘risida”gi O‘zbekiston Respublikasining Qonuniga muvofiq mustaqil muassasa yoki tashkilotning tarkibiy bo‘linmasi sifatida tashkil etiladigan tashkilot (tarkibiy bo‘linma);
axborot-kutubxona resursi — moddiy obyektda matn, ovozli yozuv yoki tasvir tarzida qayd etilgan hamda identifikatsiyalash, saqlash va foydalanishni ta’minlash uchun rekvizitlarga ega bo‘lgan axborot;
axborot-kutubxona fondi — tizimlashtirilgan axborot-kutubxona resurslarining majmui;
axborot-kutubxona fondining harakati — axborot-kutubxona resurslarining hisob hujjatlarida aks ettiriladigan hisobga kiritish va undan chiqarish jarayoni;
bozor narxi — iqtisodiy holat, talab va taklif tendensiyalari hamda raqobatni hisobga olgan holda, tegishli mahsulot (kitoblar, AVR, elektron nashrlar) bozorida shakllanadigan narx;
jamlanma hisobga olish — axborot-kutubxona muassasasining axborot-kutubxona fondi hajmi, tarkibi va undagi o‘zgarishlar (kirish, joyni o‘zgartirish, chiqish) haqida to‘liq ma’lumotlarni olish maqsadida barcha axborot-kutubxona resurslarini hisobga olish kitobida ro‘yxatdan o‘tkazish;
yillik komplekt — axborot-kutubxona resursining bir hisob birligi sifatida qabul qilinadigan bir yillik davriy nashrlar sonlari (nashrlari) yig‘indisi;
“1-kutubxona” — O‘zbekiston Respublikasi Davlat statistika qo‘mitasi tomonidan tasdiqlangan Davlat statistika hisoboti shakli (axborot-kutubxona muassasasining moddiy-texnik bazasi, foydalanuvchilar soni, fond harakati hamda xodimlari to‘g‘risida ma’lumot);
metrotokcha — nashrlar va boshqa hujjatlar bilan band bo‘lgan stellaj tokchasining 1 metr hajmida o‘lchanadigan fond hajmini hisobga olishning xalqaro birligi;
konvolyut — kutubxona, noshir yoki nashriyot tomonidan tuzilgan, mustaqil nashrlar, qo‘lyozmalar, maqolalarning nusxalari va boshqa materiallar kiritilgan yig‘majild;