Ўзбекистон республикаси энергетика ва электрлаштириш вазирлиги электр ускуналарини

4.7. ИШ ЖАРАЁНИДА НАЗОРАТ ОЛИБ БОРИШ
4.7.1. Ижозат берилгандан сўнг бригада аъзолари тарафидан хавфсизлик талабларини бажарилиши устидан назорат ишбошчига (назорат қилувчига) юклатилади. У иложи борича хавфи кўпроқ иш бажарилаётган жойда бўлатуриб, ўз ишини шундай ташкил қилиши керакки, ўша ердан туриб ишлаётган ҳамма бригада аъзолари ишини назорат қилаоладиган бўлсин.
Назорат қилувчига бригада аъзоларини назорат қилишдан бошқа бирор ишни ўриндошлик йўли билан бажарилиши ман қилинади.
4.7.2. Мабодо ишбошчи (назорат қилувчи) иш жойидан вақтинча кетиши керак бўлиб қолса, унинг ўрнини иш раҳбари, ишга ижозат берувчи ёки наряд бериш ҳуқуқига эга бўлган ходимга алмаштириш имкони бўлмаса, ишбоши бригадани иш жойидан чиқариб юбориши шарт (тақсимловчи ускуна жойлашган ҳудуддан улар чиқарилиб, эшиклар қулфланади, ходимлар электр тармоғи таянчидан туширилади ва ҳоказо).
Ишбошчи (назорат қилувчи) алмаштирилганда, у нарядни ўз ўрнига вақтинчалик қолдирилган ходимга бериб кетиши керак.
1000 В кучланишгача бўлган электр ускунада фармойиш билан иш бажарилаётган бўлса ишбошининг қисқа муддатга кетишига рухсат этилади. Бундай пайтда бригаданинг электр хавфсизлиги группаси III бўлган бир ёки бир нечта аъзолари иш жойида қолиб ишни давом эттиришлари мумкин.
4.7.3. Ишбошчининг рўхсати билан бригада аъзоларидан бири ёки бир нечтаси иш жойларидан вақтинчалик кетишлари мумкин. Бунда уларни бригада таркибидан чиқариш талаб қилинмайди. 1000 В кучланишдан юқори бўлган электр ускунада иш жойида қолган бригада аъзоларининг сони ишбошчи билан ҳисоблаганда икки кишидан кам бўлмаслиги керак.
Электр хавфсизлиги группаси III бўлган бригада аъзолари тақсимловчи ускуна жойлашган хонадан мустақил чиқиб, яна иш жойига қайтиб келиши мумкин. I ва II группага эга бўлган бригада аъзолари эса фақат III группага эга бўлган бригада аъзоси ёки электр ускунани якка ўзи кириб чиқиш ҳуқуқига эга бўлган шахс ҳамроҳлигида чиқиб яна иш жойига қайтиб келишлари мумкин. Тақсимловчи ускуналар жойлашган хонадан чиқиб кетишда эшикни очиқ, қулфламаган ҳолда ташлаб кетиш ман қилинади.
Ишга қайтган бригада аъзолари фақат ишбошчининг рухсати билан ишга тушишлари мумкин. Агар электр ускуна жойлашган хонани қулфлашни иложи бўлмаса, ишбошчи қайтгунига қадар, бригада аъзолари иш жойини ташлаб кетишга ҳаққи йўқ.
4.7.4. Амалдаги Қоидани бузиш ҳоллари аниқланганда ёки ишлаётган ишчилар ҳаётига хавф туғдирувчи ҳолат сезилганда дарҳол бригада иш жойидан чиқарилиши ва ишбошчидан наряд тортиб олиниши керак. Аниқланган камчиликлар бартараф қилингандан сўнггина биринчи бор ишга ижозат бериш қоидаси талабларини бажарган ҳолда янгидан ишга қўйиш мумкин.