II.II. O’rganilgan materialni takrorlash va umumlashtirish.
O’rganilgan materialni takrorlash, uni umumlashtirish va tizimga solish
o’quv jarayonining eng muhim elementlaridan biridir. Tarixiy materialni
takrorlash dalillar, xulosalar va ta’riflarni oddiygina eslatib o’tishdan iborat
bo’lib qolmasligi uchun, yangi o’rganiladigan dalillarni umumlashtirish, tizimga
solish va ularni mavzu, bo’lim, kurs yuzasidan hosil qilingan bilimlar tizimiga
kiritishning maxsus usullarini qo’llash zarur.
O’tilgan material o’quv jarayonining hamma qismlarida takrorlanadi va
umumlashtiriladi. O’quvchilar bilimi ularning uyga vazifa qilib berilgan yoki
ilgari o’rganilgan materialni takrorlashlari va umumlashtirishlari vaqtida
tekshiriladi. Yangi materialni o’rganishga kirishish – ilgari o’tilgan va yangi
materialni yaxshiroq o’zlashtirish uchun zarur bo’lgan materialdagi dalillarni
takrorlash
va
umumlashtirishdan
iboratdir.
Materialni
xotirada
mustahkamlashda ham, uy topshirig’ida ham takrorlash va umumlashtirish
elementlari bor.
Takrorlashning quyidagi turlarini ko’rsatib o’tish munkin: kirish darsidagi
takrorlash, dars mazmuniga mavzu jihatdan bog’langan kundalik takrorlash,
o’rganiladigan kursning ayrim mavzulari, bo’limlari va muammolariga doir
umumlashtiruvchi takrorlash butun kurs materialini umumlashtiruvchi yakuniy
takrorlash.
Takrorlashning ana shu turlarini qadimgi dunyo va o’rta asrlar tarixi
kurslariga tatbiq etgan holda birma – bir ko’rib chiqamiz.
Do'stlaringiz bilan baham: |