Ўзбекистон республикаси қишлоқ ва сув хўжалиги вазирлиги самарқанд қишлоқ ХЎжалик институти

5. У қулоқ оғриқларини (қулоқнинг шанғиллаши) ва сурункали қулоғи 
оғирлик (карлик)ни даволайди. Бу учун уни мойда қайнатиб қулоққа 
томизиш лозим. 
6. Коврак артрит ва бўғим оғриқларини даволашда ёрдам беради. У асаб 
касалликларини даволашда самарали восита ҳисобланади. Масалан, юз 
фалажи бор беморларга уни юз терисига суртиб сингдирмоқ керак, оддий 
фалажлик ва бел оғриқларида, асаблар заифлашганда ҳам ёрдам беради. Агар 
уни суюқ дори сифатида ичса, ёки малҳам дори сифатида суртса, у ишиас, 
сон ва болдирлардаги оғриқларни бартараф этади. 
7. Сассиқ коврак қонни тозалайди ва безгакни йўқ қилади. 
8. Ичга қабул қилганда коврак бодларни чиқаради, қорин бўшлиғида туриб 
қолган қонни тозалайди ва санчиқларни йўқ қилади. Сурункали диареядан 
азият чекаётган беморлар уни 2 грамм миқдорида тановул қилиб, 
дардларидан қутулишлари мумкин. У ичаклардаги яраларни даволашда 
ёрдам беради, ичдаги қуртларни чиқаради. Бундан ташқари, у жигар ва 
ошқозон учун ҳам фойдалидир. 
9. У ички шишларни ва зарарли суюқликларни сўрилишига ёрдам беради. 
Истисқо, сариқ касали ва талоқ шамоллашини даволайди ва организмда 
ушланиб қолган зарарли буғларни (бод ва суюқлик заррачалари) 
чиқартиради. 
10. Бавосилни йўқ қилишда ёрдам беради, яъни уни кичрайтириб қуритади. 
Хилтит сийдик сурувчи восита ҳисобланади. Агар уни мирра ва қалампирга 
аралаштириб еса, у тўхтаб қолган сийдикни чиқаради, ҳайз қонини 
кўпайтиради ва ҳомиланинг тушишига олиб келади. 
11. Ҳиндистонликлар жинсий қувватни ошириш учун ундан турли усулларда 
фойдаланадилар. 
12. Хилтит хавфли ва қаттиқ бўлиб қолган ўсмаларни йўқ қилишда 
кўмаклашади. Бунда уни ичга ҳам қабул қилиш мумкин, ҳам ташқи қўллаш 

---

мумкин. Ҳозирги кунда тиббиёт саратон ва бошқа касалликларни даволашда 
ковракдан фойдаланиб келмоқда ва бу яхши натижаларни бермоқда. 
13. Косметология соҳасида ундан темиратки, сепкил, сўгал ва чандиқларни 
йўқ қилишда фойдаланилади. Алопеция (соч тўкилиши)да эса у истеъмол 
сиркасига аралаштириб қўлланилади.