Ўзбекистон республикаси қишлоқ ва сув хўжалиги вазирлиги

 

 

 

 

 

 

---

 

3 

KIRISh 

Mamlakatimizda 

bozor 

iqtisodiyoti 

davrida 

aholini 

oziq-ovqat 

mahsulotlariga, sanoatni esa xom ashyoga bo’lgan talabini qondirish hozirgi kunda 

qishloq  xo’jaligi  oldida  turgan  eng  muhim  dolzarb  vazifalardan  biri  bo’lib 

qolmoqda va respublikamiz hukumati bu sohaga katta e’tibor qaratmoqda. 

Keyingi 

yillarda 

O’zbekiston  Respublikasi  hukumatining  meva-

sabzavotchilik  va  uzumchilik  sohalariga  katta  e’tibor  qaratayotganligi,  “Meva-

sabzavotchilik  va  uzumchilik  sohasini  isloh  qilish  bo’yicha  tashkiliy  chora-

tadbirlar  to’g’risida”  (2006  y.)  “Oziq-ovqat  ekinlari  ekiladigan  maydonlarni 

optimallashtirish  va  ularni  etishtirishni  ko’paytirish  chora-tadbirlari  to’g’risida” 

(2010  y.),  “Intensiv  bog’lar  barpo  qilish”  (2008  y.),  “Uzumchilikni  rivojlantirish  

chora-tadbirlari  to’g’risida”  (2013  y.)  gi  farmon  va  qarorlarida  shu  sohalarni 

yanada rivojlantirish masalalariga katta e’tibor qaratilgan. 

 

Samarqand  va  qo’shni  viloyatlarda  meva-sabzavotchilik  va  uzumchilikka 

ixtisoslashgan  xo’jaliklarning  mavjudligi,  ayniqsa  intensiv  bog’lar  yaratish, 

ulardan mo’l hosil etishtirish hamda saqlashning yangi texnologiyalarini qo’llash, 

ichki  va  tashqi  bozorlar    uchun  arzon  va  sifatli  meva  mahsulotlari  etishtirishni 

ko’paytirish maqsad qilib qo’yilgan. 

Mevachilik  qishloq  xo’jaligining  murakkab  va  ko’p  qirrali  sohasi 

hisoblanadi.  Meva  daraxtlari  turli  xil  tuproq,  iqlim  va  agrotexnika  sharoitida 

o’stirilib,  ularning  mevasi  turli  maqsadlarda  yangiligicha,  quritilgan  va  qayta 

ishlangan hollarda foydalaniladi. 

Mevachilik  qishloq  xo’jalik  ishlab  chiqarishining  tarmog’i  sifatida    asosiy 

vazifasi aholini ho’l mevalar, sanoatni xom ashyo bilan ta’minlashdan iborat.  

Mevachilik  daromadli  soha.  Rayonlashtirilgan  meva  ekinlari  navlari  va 

turlari  joyning  tuproq-iqlim  sharoitlariga  to’g’ri  tanlanib  joylashtirilsa,  tuproqqa 

ishlov berish va o’simlikni parvarishi bilan bog’liq barcha agrotexnika  ishlari o’z 

vaqtida va sifatli bajarilsa mevachilik dehqonchilikning yuqori rentabelli, iqtisodiy 

ko’rsatkichlari yuksak tarmog’iga aylanadi. 

---

 

4 

O’zbekistonda,  jumladan  Samarqand  viloyati  sharoitida  keyingi  yillarda 

intensiv  mevachilikni  rivojlantirishga  katta  e’tibor  qaratilmoqda.  Hozirgi 

sanoatlashtirilgan mevachilikda past bo’yli payvandtaglarda o’stirilgan va ayniqsa, 

kuchsiz 

va 

kuchli 

o’sadigan    payvandtaglarda  shox-shabbasi  yassi 

(yelpig’ichsimon)  shaklda  qilib  o’stirilgan  bog’lar  eng  istiqbolli  hisoblanadi. 

Intensiv  bog’lar  ilg’or  agrotexnika  usullarini  (suv-oziq  rejimi,  mevali  daraxtlarga 

maxsus  shakl  berish  va  butashni)  hamda  ishlab  chiqarish  jarayonlarini 

mexanizasiyalashtirishni  talab  etadi.  Bu  esa  o’z  navbatida  tannarxi  arzon  bo’lgan 

mahsulot etishtirishni ta’minlaydi. 

Ma’lumki,  intensiv  bog’lar  keyingi  yillarda  butun  dunyoda  keng  tarqalib, 

rivojlanmoqda. «Intensiv» so’zining lug’aviy ma’nosi jadallashtirish demakdir. 

Respublikamizda  yuqori  hosil  beruvchi  pakana  va  yarim  pakana  mevali 

(intensiv)  bog’larni  barpo  etishdan  maqsad,  respublika  aholisini  mevaga  bo’lgan 

talabini  to’liq  qondirish,  bozorlarimiz  to’kin-sochinligini  ta’minlash  va  eksport 

salohiyatini yildan-yilga oshirib borishdan iborat. 

 

Tadqiqotlarga ko’ra, bir qishi yetarli darajada vitaminlarga to’yinishi uchun 

bir yilda o’rtacha 58,3 kilogramm  meva va 13,9 kilogramm uzum iste’mol qilishi 

kerak.  Demak,  bu  yillik  iste’mol  me’yorini  30  millionlik  yurtimiz  aholisi  soniga 

ko’paytirib hisoblaydigan bo’lsak, faqat o’z ehtiyojimiz uchun yiliga 1 million 749 

ming  tonnadan  ziyod  meva  hamda  417  ming  tonnadan  ortiq  uzum  etishtirishimiz 

talab etiladi. Intensiv bog’larning esa bu borada o’ziga xos o’rni bor, albatta. 

2010 yili Respublika rahbariyatining tashabbusi bilan intensiv texnologiyalar 

asosida  parvarishlanadigan  pakana  va  yarim  pakana  olma,  nok,  olxo’ri,  gilos  va 

shaftoli  ko’chatlari  ilk  bor  Ukraina  va  Polsha  davlatlaridan  olib  kelinib, 

asosan Toshkent hamda  Samarqand  viloyatlarining  fermer  xo’jaliklari  yer 

maydonlariga ekildi. 

Ushbu  bog’lar  mamlakatimizning  tuproq-iqlim  sharoitiga  tez  moslashib, 

qisqa  muddat  —  oradan  bir  yil  o’tib,  ya’ni  2011  yildan  boshlab,  mevali 

bog’larning har bir gektaridan 50-70 sentnergacha hosil olishga erishiladi.  

---

 

5 

Natijada  bunday  bog’larni  yildan-yilga  kengaytirish,  ularni  dehqon  va 

fermer xo’jaliklarida barpo etish maqsadida hukumatimiz tomonidan aniq manzilli 

chora-tadbirlar  dasturi  ishlab  chiqildi.  Hozirgacha  respublikaning  barcha 

hududlarida  jami  5,3  ming  gektar,  jumladan,  Samarqand  viloyatida  1300  gektar, 

Toshkent viloyatida 1000 gektar, Navoiyda 750 gektar, Qashqadaryoda 600 gektar, 

Surxondaryo, Namangan va Andijon viloyatlarida 400 gektardan pakana va yarim 

pakana mevali bog’lar barpo etildi.  

Bundan  tashqari,  mamlakatimizda  pakana  va  yarim  pakana  ko’chatlarni 

ko’paytirish  maqsadida  xorijdan  payvandtaglar  olib  kelinib,  R.Shreder  nomidagi 

O’zbekiston  bog’dorchilik,  uzumchilik  va  vinochilik  ilmiy-tadqiqot  instituti  va 

fermer xo’jaliklarining yer maydonlarida onalik ko’chatzorlar barpo etildi. Hozirda 

O’zBUV  ITI  da  yarim  pakana  mevali  ko’chatlar  yetishtirilib,  dehqon  va  fermer 

xo’jaliklariga yetkazib berilmoqda. 

 

Bizlar,  bitiruv  malakaviy  ishini  bajarishda  o’z  oldimizga  Samarqand 

viloyatining  Samarqand  tumani  sharoitida  intensiv  bog’larda  o’tkaziladigan 

agrotexnologik  tadbirlar  va  ularning  iqtisodiy  samaradorligini  o’rganishni  o’z 

oldimizga maqsad qilib qo’ydik.