Ўзбекистон республикаси мактабгача таълим вазирлиги

5) “Бармоқчалар” машқи. 
Йўриқнома: (Бирорта шеър ёки қўшиқ жўр айтган ҳолда) Болалар 
шеърни (қўшиқни) айтиб бармоқларини харакатга келтирадилар. 
Эслатма: Шеър (қўшиқ) айтишда педагог (тарбиячи) томонидан 
ёдлатилган шеърни мустаҳкамлаш учун айтиш мумкин, бунда тарбиячи 
ёрдамидан ҳам фойдаланиш мумкин.
 
6) Жисмоний тарбия вақти. 
Йўриқнома: Педагог-психолог тананинг турли қисмларини (бош, орқа, 
оёқ, ошқозон ва бошқ. айтади), болалар педагог-психологнинг айтганини 
кўрсатадилар. Ким нотўғри бажарса ўйиндан четлатилади. 
7) Рефлексия. 
Йўриқнома: Болалар доира бўлиб туриб оладилар. Педагог-психолог ҳар 
бир болага тўпни ташлаб, бугунги машғулотдан қай бири уларга кўпроқ 
ёққанини сўрайди. Шунингдек, педагог-психолог: - болалар, бугунги 
машғулотимизда ким кўпроқ фаол бўлди! ...., у ҳолда келинглар уни олқишлаб 
қўяйлик. Кейинги машғулотларимизда ҳаммадан фаол бўлишини сўраб 
қоламан. Барчангиз зўр қатнишдинглар, раҳмат! 
 
23-МАШҒУЛОТ. 
Машғулот мақсади: ихтиёрий (актив) диққатни, моторикани (йирик ва 
майда), фазовий тасаввурни ривожлантириш, сўз бойлигини ошириш. 
1) “Эслаб қол” машқи. 
Йўриқнома: Болалар доира шаклида ўтирадилар ёки турадилар.
Педагог-психолог бирор сўзни айтади. Биринчи бола педагог-психолог сўзини 
такрорлайди ва ўзининг сўзини айтади. Кейин навбатдаги бола
педагог-психологнинг сўзини, биринчи боланинг сўзини такрорлайди ва 
ўзининг сўзини айтади. Ўйин шу тартибда давом этади. Энг кўп сўзни эслаган 
бола ғолиб бўлади, ва уни ҳамма олқишлайди. 
2) “Ритм” машқи 

---

51 
Йўриқнома: Педагог-психолог қўллари билан ритмик қарсак чалади ва 
болалар уни такрорлайдилар. Масалан: битта қарсак, икки қисқа қарсак, бир 
узун қарсак, икки қисқа қарсак. Болалар ритмни синхрон такрорлашлари керак. 
Кейин ритмларни мураккаблаштириш мумкин.