Ўзбекистон республикаси мактабгача таълим вазирлиги

 
3) “Саноқни давом эттир” ўйин. 
Йўриқнома: Педагог-психолог исталган рақамни айтиб, болаларга тўпни 
ташлайди, тўпни олган бола педагог-психолог айтган рақамдан кейингидан
10 гача тартиб билан саноқни давом эттиради.
Масалан, психолог “беш” деб тўпни Ботирга берди, Ботир: “олти, етти, 
саккиз, тўққиз, ўн” деб санайди. Вазифани қийинлаштириш учун: Ботир: “олти, 
етти, саккиз” деб санаётганда, уни тўҳтатиб тўпни олиб Саидага бериш мумкин, 
Саида: “тўққиз, ўн” деб санаши керак бўлади. Адашса ўйиндан 
четлаштирилади. 
4) График диктант (баён). 

---

54 
Йўриқнома: болалар катак дафтарда педагог-психолог томонидан айтиб 
турилган нақш (чизиқ)ларни чизиш билан топшириқларни бажарадилар. 
Эслатма: педагог-психолог катта катак вароққа расмни бошланиш 
жойига катак бурчагига нуқта билан белгилар қўяди (масалан, 11-иловадаги 
(қизча, 1-расм)нинг ўнг қўлини чизишда. Шундай қилиб педагог-психолог 
томонидан айтилган вазифани болалар бажарадилар. 
5) “Сояни топ” машқи 
Йўриқнома: Болаларга диққат билан педагог-психолог томонидан (ҳар 
бир бола учун) тайёрланган (15-илова) расмга қараб, расмга мос сояни, бир 
нечта соялар ичидан топиши керак бўлади. 
6) “Жииим” ўйини. 
Йўриқнома: Болалар гилам устида туришади. Педагог-психолог 
болаларга карточкаларни алмаштириб кўрсатади. Яшил карточка – болалар 
югуришади, сакрашади, қичқиришади; сариқ карточка – болалар секин 
юришади ва “шивир-шивир” гапиришади, қизил карточка – болалар тўҳташади 
ва гаплашишмайди. Ўйин қизил карточка билан якунланади. 
7) Рефлексия. 
Йўриқнома: Болалар доира бўлиб туриб оладилар. Педагог-психолог ҳар 
бир болага тўпни ташлаб, бугунги машғулотдан қай бири уларга кўпроқ 
ёққанини сўрайди. Шунингдек, педагог-психолог: - болалар, бугунги 
машғулотимизда ким кўпроқ фаол бўлди! ...., у ҳолда келинглар уни олқишлаб 
қўяйлик. Кейинги машғулотларимизда ҳаммадан фаол бўлишини сўраб 
қоламан. Барчангиз зўр қатнишдинглар, раҳмат!