Ўзбекистон республикаси олии ва ўрта махсус таълим вазирлиги низомий номидаги тошкент давлат педагогика университети

«ЎЗИНГИЗ ҲАҚИНГИЗДА БИЛИБ ОЛИНГ» ТЕСТИ
Ушбу методикани ўтказиш учун тоза варақ олиб, унга квадрат расмини чизинг. Квадратнинг ичига уй, дарахт, девор, йўл, қуёш, ҳовуз, илон каби элементларни тасвирланг. Бу элементларни шундай жойлаштирингки, сизда яхлит, бир бутун сурат ҳосил бўлсин. Расм чизиб бўлингач, тест натижалари ҳисоблаб чиқилади. Энди ишга киришишингиз мумкин. Тоза оқ қоғоздаги квадрат ичида мавжуд бўлган элементлардан иборат бир неча расмлар жойлашади.
Расмлар таҳлили:
Дарахт (мустақиллик).
Катта, шохлаб кетгаи дарахт.
Агар катта, шохлаб кетган дарахтни тасвирлаган бўлсангиз, сиз атрофингиздагиларни бутунлай ўзингизга бўйсундира оладиган шахссиз. Баъзида сизнинг хатти-ҳаракатларингиз эгоистик кўринишда бўлиб, атрофингиздаги кишиларни ўзингиздан узоқлаштиришингиз ҳам мумкин.
Агар сиз тасвирлаган дарахт думалоқ шаклда, ўзига хос, ҳаётда мавжуд бўлмаган дарахт бўлса, сиз доимо ўз кучингизга ишонишингиз мумкин.
Шохлари яланғочланган дарахт.
Агар дарахтнинг ҳамма шохлари яланғочланган ва тепага қараган бўлса, бу сизнинг аниқ-равшан мақсадларингиз мавжудлигидан далолатдир. Сиз ҳаётда нимага эришмоқчи эканлигингизни биласиз ва мустакил шахслар тоифасига мансубсиз.
Шохлари эгилган дарахт.
Шохлари эгилган дарахт тасвирланса, сиз табиатингизга кўра пессимистсиз ва баъзида сизни депрессия қамраб олади. Шу туфайли сиз муҳим муаммоларни ҳал қилишда бошқалардан ёрдам олишга тайёрсиз. Ўз қобигингизга ўралиб олманг, мулоқотда очиқ юз бўлсангиз сизнинг ҳаёт йўлингизда ёрдам қўлини чўзувчи инсонни учратасиз.
Гуллаётган дарахт.
Гуллаётган дарахт сизнинг қизиқарли инсон эканлигингизни билдиради. Сиздаги энг асосий фазилат - ўзингизга бўлган ишонч ва хотиржамликдир. Мустаҳкам шохлар сиздаги оптимизм ифодаси ҳисобланади. Барча дўстларингиз сизни давранинг жони деб биладилар.
Қуёш (отага муносабат).
Катта думалоқ қуёш тасвири сиз билан отангиз ўртасида ўзаро бир-бировни тушуниш ва муҳаббатга асосланган мустаҳкам муносабатлар ўрнатилганидан далолатдир. Агар қуёш уйдан юқорида жойлашса, бу отангиз ўз томонидан қилинадиган моддий сарф-ҳаражатлар туфайли сизнинг муҳаббатингизни қозониши мумкинлигини билдиради.