2.
|
I. Фаннинг мазмуни
Фанни ўқитишдан мақсад – талабаларга жағли, конусли, валикли ва зарбли ҳаракатланувчи майдалагичлар, шарли, ўрта ва тез юрадиган марказдан қочма тегирмонлар, шарли тегирмонда кукунлаш назарияси, ясси ва барабанли сим ғалвирлар, ҳаволи сепарация учун машиналар, материалларни меъёрлаш учун машиналар, аралаштириш жараёнлари ва қориштирувчи машиналар таснифи, кукунли ва суюқ массаларни аралаштириш учун қориштиргичлар, арматурани тўғрилаш, қирқиш ва маҳкамлаш учун машина ва ускуналар, бетон қоришмасини зичлаш учун тебратувчи ускуналар, технологик ускуналарни монтажи, эксплуатацияси ва уларга техник хизмат кўрсатишнинг илмий асосларини билишдан иборат.
Фаннинг вазифаси – талабаларни назарий билимлар, амалий кўникмалар, қурилиш индустриясининг технологик ускуналарининг асосий йўналишлари ва уларнинг техник талабларига услубий ёндашув ҳамда илмий дунё қарашини шакллантириш ҳисобланади.
II. Асосий назарий қисм (маъруза машғулотлари)
II.I. Фан таркибига қуйидаги мавзулар киради:
1-мавзу. Қурилиш материалларини майдалаш қонунияти ва технологик ускуналарнинг таснифлари.
Майдалашнинг услублари. Ишлатиладиган хом ашё ва унинг асосий хоссаси. Майдалашнинг сифати тавсифи. Майдалашнинг асосий қонунияти. Майдалаш учун машиналарнинг таснифи.
2-мавзу. Жағли ва конусли майдалагичлар.
Умумий маълумотлар.Оддий ҳаракатланувчи жағли майдалагичлар. Мураккаб ҳаракатланувчи жағли майдалагичлар. Гидравлик узатмали жағли майдалагичлар. Жағли майдалагични ҳисоблаш асослари. Конусли майдалагичларнинг конструкцияси. Конусли майдалагичнинг асосий қисмлари конструкцияси. Конусли майдалагични ҳисоблаш асослари.
|
