Ўзбекистон республикаси олий ва ўрта махсус таълим вазирлиги ислом каримов номидаги тошкент давлат техника университети «электроника ва автоматика» факультети

Қуритиш потенциали. Ҳаво температураси t_в ва ҳўл термометр температураси t_MT ларнинг фарқи қуритиш потенциали  деб аталади. Ушбу кўрсаткич ҳавонинг материалдан намликни ютиш қобилиятини характерлайди. Қуритиш потенциали қанчалик катта бўлса, материалдан намликнинг буғланиш тезлиги шунчалик юқори бўлади. Агар, t_в= t_MT бўлса, қуритиш потенциали  = 0.


Ишлатилган газ кўп марта фойдаланиш усулида қуритиш схемаси 12-расмда келтирилган.
Қуритувчи газ сифатида тоза ва қиммат газлар, масалан водород, ишлатилганда ушбу усулни қўллаш мақсадга мувофиқ. Бундай ҳолларда ишлатиб бўлинган газни атмосферага чиқариб бўлмайди. Шунинг учун, бу схемалар ёпиқ циркуляцияли бўлади.
Сув буғлари билан тўйинган газ калориферда қиздирилади (АВ кесма). Натижада унинг нисбий намлиги пасаяди ва қуритиш қобилияти ортади. Ундан кейин, газ ва материал ўзаро таъсирда бўлади (ВС кесма) ва намлик билан тўйинади. Сўнг эса, намланган газ шудринг нуқтасигача (СД кесма) совутилади. Лекин, намланган газ таркибидаги бир қисм намлик конденсацияланади (ДЕ кесма). Кейин эса, газ қиздирилади ва яна қуриткичга йўналтирилади.
Бу қуритиш усули ҳавонинг паст температураси, юқори бошланғич нам сақлаш ва нисбий намликлари билан характерланади. Ундан ташқари, қуриткичда газ тезлиги ҳам жуда катта. Газ тезлигининг юқори бўлиши масса бериш коэффициенти ва биринчи даврда қуритиш тезлигининг ортишига олиб келади.
Юқорида қайд этилган қуритиш усуллари керакли миқдордаги иссиқликни узатиш ва майин қуритиш режимларини таъминлайди.
Шуни алоҳида таъкидлаш керакки, у ёки бу қуритиш усули жараённи тезлаштириши ёки секинлаштириши, уни ўтказиш шароитига таъсир этиши мумкин. Лекин, иссиқлик сарфига салмоқли таъсир этмайди, чунки у қуритувчи газнинг бошланғич ва охирги параметрлари билан аниқланади.