Ўзбекистон республикаси олий ва ўрта махсус таълим вазирлиги наманган муҳандислик педагогика институти

Диск ва каналларни резервлаш - кўзгули дисклардан фойдаланишда иккала дискнинг ҳам канали, контроллери ва ток манбаи зарарланиш эҳтимоли мавжуд. Баъзи операцион системалар (масалан, NetWare) канални бутунлай резервлай олиш имкониятига эга, мос равишда иккита дискка уланган контроллердан фойдаланиши мумкин. Бу контроллер ва дискларни ток билан таъминлаш учун иккита ток манбаи керак.
Серверни «қайноқ» резервлаш – кўзгули дискдан маълумотларни тиклаш диск хотира ҳажмига боғлиқ равишда бир неча соатлаб вақтни олиши мумкин. Баъзида тармоқда ишнинг бундай узоққа чўзилишини кутиб бўлмайди. Бундай ҳолларда серверларни «қайноқ (горячее)» резервлашдан фойдаланиш маъқул. Серверларни қайноқ резервлашнинг маъноси шуки, бунда иккита сервер MSL-адаптер (Microred Server Link) деб аталувчи махсус адаптер ёрдамида тезлаштирилган алоқа линияси орқали ўзаро бир-бирига уланади. Бу адаптерлар ўзаро 33 м гача узунликдаги коаксиаль кабель ёки 4 км гача узунликдаги оптик толали кабель ёрдамида бириктирилади. Бу усулда турли серверларни турли биноларга жойлаштирган ҳолда, ҳаттоки биноларнинг бирортасидан ёнғин чиққан шароитда ҳам система ишининг ишончлилиги ва мустаҳкамлигини таъминлаш мумкин.
Битта сервернинг ишдан чиқиши тармоқ ишининг тўхтаб қолишига олиб келмайди, чунки бунда автоматик равишда иккинчи резерв-сервер ишга тушади. Юқори тезликдаги алоқа каналидан фойдаланиш эвазига резерв-сервер диски ҳам асосий дискдаги файлларни ўзида сақлайди, шунинг учун маълумотларни тиклаш каби ортиқча амалларни бажаришга ҳеч ҳам хожат қолмайди.
Узлуксиз энергия манбаи – агар тармоқнинг иши ёки сервердаги маълумотларнинг ишончли сақланишига катта талаб қўйиладиган бўлса, у Холда узлуксиз энергия манбаи қурилмасидан фойдаланмоқ жоиз. Бу қурилма шунчаки маълум вақт давомида серверни ток билан таъминловчи аккумулятор эмас. Бу қурилма махсус адаптер орқали серверга уланади. Агар ток манбаи бўйича узилиш содир бўлса, қурилма серверга бу ҳақда сигнал беради ва шу сигнал буйича сервер секин-аста, маълумотлар йўқолишининг олдини олган ҳолда, ўз ишини тамомлайди.