4-расм. Microsystis. Алоҳида ҳужайра ва колониянинг умумий кўриниши.
Глеокапса – Gleocapsa туркумига бир ҳужайрали ёки колониал шаклдаги турлари киради. Улар сувда эркин ҳолда ёки субстратга ёпишган ҳолда ҳаёт кечиришади. Она ҳужайранинг бўлинишидан ҳосил бўлган қиз ҳужайралар унинг ёнида қолиб, ҳар қайсиси шилимшиқ
пўст билан ўралади. Натижада колония ҳосил бўлади ва бу колония бир неча қаватли шилимшиқ пўст билан ўралади. Уларнинг танаси қизил кўк, бинафша рангда бўлади. Шу шилимшиқ парда билан ўралган колония нам тупроқлар, қояларда, дарахт пўстлоқларида ҳар хил рангдаги доғлар ҳосил қилади. Рангсиз турлари эса сувларда кенг тарқалган.
Хамесифонсимонлар синфи. Мазкур синфга базал, апикал қисмларга ажралган ва субстратга ёпишиб ўсадиган бир ҳужайрали ва ипсимон шаклли сувўтлар киради. Кўпайиши эндоспора (Endonema) ва экзоспора (Chamaesiphon) ҳосил қилиш йўли билан боради.
1
Do'stlaringiz bilan baham: |
