Ўзбекистон республикаси олий ва ўрта махсус таълим вазирлиги тошкент кимё технология институти

Бир компонентли ўғитлардаги калийнинг
массавий улушини аниқлаш
Бу усул калийни натрий тетрафенилборат билан сирка кислотали муҳитда чўктиришга ва чўкмани қуритиб оғирлигини аниқлашга асосланган.


Тажриба ўтказиш учун керакли буюмлар, жиҳозлар ва реактивлар.

1. 
   Пипетка
   

2. хажми 100 см³ ли кимёвий стакан

3. 
   сув хаммоми
   
4. 
   бюретка
   
5. 
   совуқ сувли кристаллизатор
   
6. 
   фильтр
   
7. 
   хажми 500 см³ ли ўлчов колбаси
   
8. 
   тигель
   
9. 
   Қуритиш шкафи
   
10. 
    аналитик тарози
    
11. 
    метил-қизил индикатори
    
12. 
    сирка кислотаси
    
13. 
    натрий тетрафенилборат
    
14. 
    совуқ сув
    

Эритма тайёрлаш:
5 г намуна (маҳсулот)дан тарозида ўлчаниб, хажми 500 см³ ўлчов колбага солинади, устига +50-200 см³ сув қуйилиб, қайнагунча қиздирилади ва 15 минут давомида қайнатилади. Сўнгра эритмани уй ҳароратигача совутилади ва ўлчов чизиғигача сув билан суюлтирилади.
Колбани тиқин билан беркитиб, яхшилаб чайқатилади. Эритмани қуруқ фильтр орқали фильтрланади, бошланғич 40-50 см³ фильтратни ташлаб юборилади.

Ишни бажариш тартиби

Пипетка орқали 5 см³ анализ қилинаётган эритмадан аликвот олинади ва хажми 100 см³ ли кимёвий стаканга солинади. Устига 30 см³ сув қуйилиб, 1-2 томчи метил-қизил индикатори ва эритма ранги қизил рангга киргунча томчилатиб сирка кислота (10% хажмий) томизилади.
Эритмани сув хаммомида (50±10) ºС хароратгача қиздирилади. Сўнгра кимёвий стаканни ичига бюретка ёки пипетка орқали томчилаб аралаштириб турган холда10 см³ натрий тетрафенилборат томизилади. Бунда оқ чўкма ҳосил бўлади. Чўкмали эритма сув хаммомида 5 минут тиндирилгач, тезда совуқ сувли кристаллизаторда 20ºС дан паст хароратгача совутилади ва 10 минут тиндирилади. Чўкма суюқ фазадан ажратилади.
Чўкмани стаканда 3-4 мл ювувчи эритма билан ювилиб, фильтрдан ўтказилади. Кимёвий стакан ва фильтратдаги чўкмани 4 см³ дан ювувчи эритма билан ювиб турилади. Эритма хар гал ташлаб юборилади. Стакан ва чўкмани 3 марта 5 см³ гача хажмли совуқ сув билан ювилади. Ювувчи сувнинг умумий хажми 50см³ бўлиши керак.
Қуритиш шкафида 120±5 ºСда 60 минут қуритилган чўкмали тигельни эксикаторда 45 минут совутилади ва оғирлиги аналитик тарозида тортиб ўлчанади.
Натижалар таҳлили:
Калийнинг К₂О га нисбатан масса оғирлиги (Х₁) процентда қуйидаги формула орқали аниқланади:
(m₁ – m) ∙ 0,1314 ∙ 500 ∙ 100
Х₁ = ————————————
V ∙ m₂
Бу ерда m – қуруқ тигель оғирлиги, г;
m₁ – калий тетрафенилборат чўкмали тигель оғирлиги, г;
500 – анализ қилинаётган эритманинг умумий хажми, см³;
V – анализ қилинаётган эритманинг аликвот хажми, см³;
m₂ – анализ қилинаётган маҳсулот намунасининг оғирлиги, г.