Ўзбекистон республикаси олий ва ўрта махсус таълим вазирлиги тошкент кимё технология институти

Кўпик ҳосил қилувчи реагентлар - булар ҳам органик моддалар бўлиб, суюқ фаза - ҳаво ва суюқ фаза - минерал фазаларнинг юзасида адсорбцияланиб, ҳавони дисперслаш ва минералларнинг юзасида қўшимча гидрофоблаш учун қўлланилади.
Регуляторлар - сильвинитни флотация усули билан бойитиш жараёнида реагентларнинг таъсирини ўзгартиради. Натижада калий хлорид кўпикка ўтади.
Тажриба ўтказиш учун керакли буюмлар, жиҳозлар ва реактивлар.

1. 
   Хажми 1 л бўлган флотация машинаси.
   
2. 
   Аралаштиргич.
   
3. 
   Хавонча.
   
4. 
   Элак.
   
5. 
   Фильтр.
   
6. 
   500 мл ли ўлчов колбаси.
   
7. 
   Фотометр ППФ-УНИИЗ. Сув насоси.
   
8. 
   SL-1
   
9. 
   100 мл ли ўлчов колбаси.
   
10. 
    Флотореагентлар.
    
11. 
    Сильвинит.
    
12. 
    Дистилланган сув.
    
13. 
    Крахмал
    
14. 
    КМЦ
    

Реагентларни тайёрлаш
Депрессор сифатида турли хил: 1) хитой маҳсулоти-SL-1, 2)КМЦ,
3) крахмал эритмалари алоҳида тайёрланади.
Депрессор тайёрлаш қуйидаги тартибда олиб борилади:
- совуқ сув аралаштиргичли хажми 250 мл бўлган реагент тайёрлаш колбасига берилади;
- SL-1, КМЦ, крахмал реагенти 1г миқдорда реагент тайёрлаш колбасига солинади;
- ҳосил бўлган аралашма аралаштиргичда аралаштирилади;
- реагент суспензияси 15 минут реагентлар сувда эриб кетгунга қадар аралаштирилади;
- сувли хаммомда эритма ҳарорати 50⁰Сга етказилади;
- эритма 15 минут аралаштирилади;
- ҳосил бўлган эритма оддий шароитда сақланади. Тайёрланадиган депрессор концентрацияси -1%.
Йиғувчи тайёрлаш аминлар, кўпик ҳосил қилувчи ва аполяр реагентлар эмульсияси аралашмасини тайёрлашдан иборат бўлиб, тайёрлаш жараёни қуйидаги тартибда олиб борилади:
- Қаттиқ амин эритиш колбасига солинади ва аминни буғ ёрдамида 80^оС гача ҳароратда сув хаммомида эритилади.
- Реагентлар тайёрлаш колбасига 60^оС ли иссиқ сув қуйилади ва 0,6г 30% ли хлорид кислота қўшилади;
-Амин эмульсиясига (0,38г) кўпик ҳосил қилувчи ва (0,38г) аполяр реагент қўшилади ва у 20-30 минут аралаштирилади;
- Эмульсия аралашмаси реагентлар тайёрлаш колбасига оқиб тушади ва бир соат аралаштирилади;
- Реагентлар тайёрлаш колбасига 7,7 см³ иссиқ сув қўшилади ва 20-30 минут аралаштирилади;
- Аминлар фаоллигини аниқлаш учун, эмульсиядан намуна олиб, рН ўлчанади. pH (2,5-3,0) бўлиши керак;
- Зарур бўлса, рНни ростлаш учун эмульсияга хлорид кислота қўшилади ва яна 20 минут аралаштирилади, бу жараён, рНнинг керакли миқдорига эришилгунча, такрорланади.
- ҳосил бўлган эритма оддий шароитда сақланади.