Ўзбекистон республикаси олий ва ўрта махсус таълим вазирлиги тошкент кимё технология институти

Тажриба ўтказиш учун керакли буюмлар, жиҳозлар ва реактивлар.

Аралаштиргич.
Хавонча.
Пикнометр
Аналитик тарози
Термометр
Элак.
Фильтрловчи воронкали Бюхнер колбаси.
500 мл ли ўлчов колбаси.
Фотометр ППФ-УНИИЗ.
Сув насоси.
Муфель печи
Фильтр қоғози
Тигель
Сув хаммоми
250 мл ли ўлчов колбаси.
Реакцион колба
Сильвинит.
Дистилланган сув.
Калий хлорид
Аммоний нитрат
25 мл 5%ли барий хлорид

Ишни бажариш тартиби

Калий нитрат олиш жараёни икки босқичда амалга оширилади. Биринчи босқичда-оралиқ махсулот (NH₄NO₃∙KNO₃) олинади. Иккинчи босқичда эса NH₄NO₃∙KNO₃ ни калий хлорид билан конверсияси амалга оширилади ва калий нитрат олинади (расм-7).
Биринчи босқичдан сўнг қолган эритма яна қўшимча NH₄NO₃∙KNO₃ олиш учун буғлатилади. NH₄NO₃∙KNO₃ олиш жараёни 25ºС ҳароратда атмосфера босими остида амалга оширилади. Қурилма реакцион колба, термометр ва аралаштиргичдан иборатдир.
Реакция 60 минут вақт давомида амалга оширилади. Ҳосил бўлган суспензияни қаттиқ ва суюқ фазаларга ажратиш вакуум остида, фильтрловчи воронкали Бюхнер колбасида амалга оширилади. Суспензиянинг зичлиги пикнометр ёрдамида ўлчанади.
Ҳосил бўлган маҳсулот таркибидаги NO₃^- ионлари миқдори аниқланади.
Лаборатория ишининг иккинчи босқичида калий хлоридни биринчи босқичда олинган NH₄NO₃∙KNO₃ билан реакцияси асосида калий нитрати олинади.
Калий нитрат олиш жараёни 25 ºС хароратда атмосфера босими остида амалга оширилади. Қурилма реакцион колба, термометр ва аралаштиргичдан иборатдир. Дастлаб ўлчанган миқдордаги дистилланган сувда KCl эритилади, сўнгра ҳосил бўлган эритмага NH₄NO₃∙KNO₃ қўшилади. Икки тузнинг тўйинган эритмаси ҳосил бўлиб, уни 1 соат давомида аралаштириб турилади. Ҳосил бўлган суспензиянинг қаттиқ ва суюқ фазаларини вакуум остида (0,3 атм) фильтрловчи воронкали Бюхнер колбасида ажратилади. Суспензиянинг зичлиги пикнометр ёрдамида ўлчанади.
NH₄NO₃∙KNO₃ : калий хлорид нисбати 2,5:1 нисбатда бўлади. Ҳосил бўлган маҳсулотдаги NO₃^- ионлари миқдори аниқланади. Назарий жиҳатдан калий нитратда NO₃^- ионлари 45% ни ташкил этиши лозим.

Лаборатория ишида калий нитратни ҳосил бўлишини NH₄NO₃∙KNO₃ : калий хлорид нисбатига боғлиқлигини ўрганиш учун турли нисбатларда (1 : 1; 1 : 1,5; 1 : 2; 1 : 2,5; 1 : 3) ва турли вақт мобайнида тажрибалар ўтказилади ва махсулот чиқими аниқланиб, оптимал шароит аниқланади.

Жараён кинетикасига эритувчининг таъсирини ўрганиш учун тажрибалар сув ва қолдиқ эритма иштирокида ўтказилади.
Олинган натижалар қуйидаги жадвалларда қайд этилади:
Жадвал