Ўзбекистон республикаси олий ва ўрта махсус таълим вазирлиги тошкент давлат иқтисодиёт

Меҳнат биржаси – ишчилар ва тадбиркорлар ўртасидаги 
ишчи кучининг олди-сотди битимини тузишда воситачиликни 
амалга оширувчи ва ишсизларни рўйхатга олувчи муассаса.
Брокер (маклер) – бу товар, фонд ва валюта биржаларида 
олди-сотди битимларини тузишда воситачилик қиладиган шахс 
ёки махсус фирма. 
Аукцион – алоҳида хусусиятларга эга бўлган товарларни 
сотиш учун муайян жойларда ташкил қилинган махсус ким 
ошди савдо муассасаси. 
Савдо ярмаркаси – муайян белгиланган вақтда ва жойда 
ўтказилувчи ҳамда ўтказилиш жараёнида улгуржи савдо 
битимлари тузилувчи товар намуналари кўргазмаси. 
Савдо уйи – ўз ичига ташқи савдо компанияси билан бир 
қаторда ишлаб чиқариш, банк, суғурта, транспорт, улгуржи-
чакана ва бошқа турдаги фирмаларни олувчи кенг тармоқли 
савдо компанияси. 
Супермаркет – бу харидорнинг ўзига ўзи хизмат кўрсатишига 
асосланган кенг тармоқли савдо корхонаси. 
Такрорлаш учун саволлар ва топшириқлар:
1. Бозор иқтисодиётининг мазмуни ва асосий белгилари 
нималардан иборат?

---

213
2. Классик ва ҳозирги замон бозор иқтисодиётининг умумий 
томонлари ва фарқларини тушунтириб беринг.
3. Бозор иқтисодиётининг афзалликлари ва зиддиятлари 
нималардан иборат?
4. Бозор иқтисодиётининг асосий иштирокчилари кимлар ва 
улар ўртасидаги иқтисодий алоқалар қай тарзда кечади?
5. Бозор тушунчасининг таърифини беринг ва унинг асосий 
вазифаларини кўрсатинг.
6. Бозорни туркумлашда қандай мезонлар асос қилиб 
олинади? Уларни санаб кўрсатинг.
7. Етуклик даражасига қараб бозорнинг қандай турлари 
ажратилади?
8. Сотиладиган ва сотиб олинадиган товар, хизмат турига 
кўра бозорнинг қандай турларини ажратиш мумкин?
9. Ҳудудий жиҳатдан бозорнинг қандай турлари мавжуд?
10. Бозор инфратузилмаси нима? Унинг таркибий қисмлари 
ва асосий унсурларига таъриф беринг.