Ўзбeкистон рeспубликаси олий ва ўрта махсус таълим вазирлиги урганч давлат унивeрситeти

Урганч - 2018 йил

5А110901 Педагогика назарияси ва тарихи (фаолият тури бўйича)

Тузувчилар: Ш.К. Исмаилова - УрДУ Педагогика ва психология кафедраси мудири, п.ф.н.,

М. Жуманиёзов - УрДУ Педагогика ва психология кафедраси доценти, п.ф.н.;
Тақризчилар: Д.Ш. Олимова - ТТА Урганч филиали Ижтимой гуманитар фанлар кафедраси
мудири, п.ф.н., доцент;
С.У. Ходжаниязов – УрДУ ўқув ишлари бўйича проректор, п.ф.н., доцент.


КИРИШ

“Педагогика назарияси ва тарихи (фаолият тури бўйича)” мутахассислигига магистратурага кириш учун мутахассислик фанидан имтиҳон синовларини қабул қилиш учун педагогика таълим йўналишларининг ўқув режасида умумкасбий фанлар блоки доирасида ўқитиладиган “Педагогика назарияси”, “Педагогика тарихи фанларидан назарий саволларга жавоб бериши, таълим жараёнини технологик харитаси ва моделини яратиши, шунингдек, педагогик вазиятни илмий-амалий жиҳатдан таҳлил қилиши лозим.

Мақсад мазкур кириш синовларини ўтказиш орқали абитуриентларнинг педагогика назарияси ва тарихи бўйича билим, кўникма ва малакаларини аниқлашдан иборат.
Вазифалари: абитуриен синов билетидаги 2 та назарий савол моҳиятини очиб бериши ва 3- саволда педагогик фанлар бўйича илмий мақолага тақриз ёзиши ҳамда 4- саволда 1 та педагогик вазиятни илмий-назарий ва амалий жиҳатдан таҳлил қилиши, вазиятлар ечимини ишлаб чиқиши, муаммони ҳал қилишда илмий-ижодий қобилиятини намоён этиши лозим. Абитуриент назарий маълумотларни педагогик фанлар назарияси терминологияларидан тўғри фойдаланиб ёритиши, таянч тушунчаларни асослаши, шахсий фикр ва мулоҳазаларини аниқ илмий ва амалий далилларга таянган ҳолда баён қила олиши керак.
Абитуриент педагогика назарияси ва тарихи фанининг ижтимоий тараққиёт босқичлари, жамият ривожланишида таълим-тарбиянинг ўрни, педагогика тарихи фанининг манбалари, халқ педагогикаси манбалари масалаларини кенг ёрита олиши, инсон камолоти ҳақидаги ғоялар тараққиёти масалаларини таҳлил қилиши, ўз шахсий фикрларини баён қилиши лозим.


Асосий қисм