Ўзбeкистон рeспубликаси олий ва ўрта махсус таълим вазирлиги урганч давлат унивeрситeти

Aълo

2-бўлим. Ўқиш
Талабалар ўрганилаётган чет тилида мослаштирилмаган (соддалаштирилмаган) оригинал матнлар билан кўпроқ ишлашлари лозим. Бироқ ўқиш вазифалари талабаларнинг тил билиш даражасига кўра мослаштирилиши мумкин. Ўқишга ёрдам бериш мақсадида матн бўйича қизиқарли, ҳаётий саволлар бериш, баъзида унда учрайдиган янги сўзлар маъносини ўргатиш, ўқиладиган матн мазмунига тааллуқли топшириқлар берилиши мақсадга мувофиқ.
Матнни ўқиш жараёнида бериладиган вазифа ва топшириқлар асосий ғояни топишга, маълум деталларни излашга ундайди. Масалан, саволлар, жадвални тўлдириш, тўғри/нотўғри баёнотлар, гапларни керакли сўзлар билан тўлдириш каби вазифалар шулар жумласидан.
Матн ўқилгандан кейин бериладиган вазифалар талабаларни матнни ҳар томонлама муҳокама қилишга ундаши керак. Бундан ташқари талабалар ўз фикр мулоҳазаларини, ҳис- туйғуларини бир-бирларига билдира олишлари ва кўпчилик олдида эркин ифодалай олишлари лозим.
Шунингдек, талабалар ўқиган бадиий асарларини биргаликда муҳокама қилишлари ва қайси бадиий асарларни ўқишни хоҳлашлари ва нима учун айнан шу асарни танлаганларини муҳокама қилишлари мумкин.
Бадиий ўқиш талабаларнинг зарурий ўқиш кўникмаларини ривожлантириб, уларнинг эффектив ўқиш стратегияларига эга бўлган китобхонга айланишларига имкон яратади.
Талабаларнинг тил билишнинг умумэътироф этилган халқаро меъёрлари (CEFR) га кўра С1 даражасига мос келадиган мавзуларга оид турли жанрга тааллуқли матн турларини ўқиб, мазмунини тушунишлари назарда тутилади.
Ўқиш модули бўйича ўтиладиган тахминий мавзулар мазмуни
Матн турлари (имкон даражасида оригинал матнлар)

• 
  газета ва журналлардаги мақолалар (янгиликлар, маърузалар, катта ҳажмдаги мақолалар, халқаро илмий журналларда ўрганилаётган чет тилида чоп этилган мақолалар);
  
• 
  асарлардан келтирилган парчалар;
  
• 
  интернет матнлари (блоглар, вебсайтлар);
  
• 
  қўлланмалар, инструкциялар (техник восита ва асбоблар учун);
  
• 
  энциклопедик мақолалар;
  
• 
  професионал мавзулардаги мақолалар (чет тили ўқитиш, ўқитиш муаммолари, методлари, ўқитиш тизимидаги янгиликлар ёритиладиган журналларда берилган мақолалар);
  
• 
  маърузаларда келтириб ўтилган ғояга нисбатан билдирилган фикрлар ва муҳокама қилинган ҳисоботлар