Ўзбекистон республикаси олий ва ўрта махсус таълим вазирлиги ўзбекистон республикаси

4.1.2. Эксперимент режа-программасини ишлаб чиқиш 
Эксперимент режа-программаси — экспериментал тадқиқотларнинг методологик асоси. 
Режа-программа қўйидагиларни ўз ичига олади: 
— тадқиқот мавзулари рўйхати ва ишчи гипотеза мазмуни; 
— эксперимент методикаси ва уни бажариш учун зарур материаллар, 
приборлар, қурилмалар ва ҳ. к.лар рўйхати; 
— бажарувчилар рўйхати ва улар календар иш режаси; 
— экспериментни бажариш учун харажатлар рўйхати. 
Эксперимент методикаси - методлар, экспериментал тадқиқотларни мақсадга 
мувофиқ усуллари мажмўи. Умумий тарзда у ўз ичига олади: 
— эксперимент мақсад ва вазифасини; 
— факторлар танлаш ва улар ўзгариш даражасини; 
— воситалар ва ўлчашлар зарур миқдорини асослашни; 
—  эксперимент моҳияти ва тартибининг баёнини; 
— эксперимент натижаларини ишлаб чиқиш ва таҳлил қилиш усулларини 
асослашни. 
Экспериментнинг мақсад ва вазифаси ишчи гипотеза ва тегишли назарий 
ишланмани таҳлил қилиш асосида аниқланади. Вазифа аниқ бўлиши, уларнинг сони 
— унча қўп бўлмаслиги лозим: оддий эксперимент учун - 3... 4, мажмўа эксперимент 
учун эса — 8... 10 та. 
Жараён ёки объектга таъсир этувчи факторларни танлаш қабул қилинган 
ишчи гипотезага мувофиқ назарий ишланмаларни таҳлил қилиш асосида амалга 
оширилади. Барча факторлар мазкур эксперимент учун аввал муҳимлик даражасига 
кўра сараланади, сўнгра улардан асосийлари ва ёрдамчилари ажратилади. 
Факторлар сони унга кўп бўлмаганда (3 гача бўлганда) уларнинг 

---

95
муҳимлик даражаси бир факторли эксперимент бўйича аниқланади (битта 
фактор қолганлар муҳим бўлганда ўзгаради). Агар факторлар сони катта бўлса, 
юқорида (3 – бобга қаранг) кўриб ўтилганидек кўп факторлик таҳлил 
қўлланилади. 
Ўлчаш воситалари экспериментнинг мақсад ва вазифасидан, 
ўлчанадиган параметрлар тавсифи ва талаб этилаётган аниқликдан келиб 
чиқиб танланади. 
Қоидага кўра, стандарт, ялпи ишлаб чиқиладиган ўлчаш воситалари 
(мамлакатда, чет элда ишланган)дан фойдаланилади. Айрим ҳолларда камёб 
ўлчовлар прибор ва аппаратлари бунёд этилади. 
Ўлчаш техникасининг назарий ва физик асоси, физик катталикларни 
ўлчаш усуллари[24, 38] ишларда муфассал кўриб ўтилган. 
Эксперимент ўтказишнинг мазмун ва тартиби - методиканинг марказий 
қисми. Унда эксперимент ўтказиш жараёни тўла лойиҳаланади: 
— кузатиш ва ўлчаш операцияларини ўтказиш кетма кетликда 
тузилади; 
— эксперимент ўтказишнинг танланган воситаларини ҳисобга олган 
ҳолда ҳар бир операция айрим-айрим муфассал тавсифланади; 
— операциялар сифатини назорат қилишда қўлланадиган усуллар 
тасвирланади; 
— кузатиш ва ўлчаш натижаларини ёзиш учун дафтар тутилади. 
Экспериментал маълумотларни ишлаб чиқиш ва таҳлил қилиш