Ўзбекистон республикаси олий ва ўрта махсус таълим вазирлиги ўзбекистон давлат жаҳон тиллари университети

Guangyunyu（惯用语）larning asosiy hususiyatlari 

---

Guangyunyu（惯用语）  atamasining  paydo  bo‟lishi  Tang  sulolasi  davriga 

borib  taqalsada,  faqat  o‟tgan  asrning  50-60  yillariga  kelib,  hozirgi  zamon 

tilshunoslarining  e‟tiborini  o‟ziga  jalb  qildi.  Bu  borada  keng  miqyosdagi  ilmiy 

tadqiqot ishlari qizg‟in ravishda amalga oshirila boshlandi. Natijada 惯用语  xitoy 

tili  leksikologiyasining  alohida  mustaqil  bir  qismiga  aylandi  va  xitoy 

frazeologiyasining  muhim  bo‟lagi  sifatida  namoyon  bo‟ldi.  “Cixay”（“辞海”） 

lug‟atida guanyunyu atamasiga shunday ta‟rif berilgan: “Guanyunyu（惯用语） - 

frazeologizmning  bir  turi.  Odatda,  to‟liq  ma‟no  ifodalovchi  birlik  sifatida 

foydalaniluvchi  turg‟un  so‟z  birikmasidir.  Unda  asosiy  ma‟no  har  bir  so‟zning 

alohida  ma‟nolaridan  kelib  chiqqan  holda  ifodalanmasdan,  balki  metafora  orqali 

vujudga kelgan stilistik ma‟noga ega. Og‟zaki nutqni bezash uchun xizmat qiladi”. 

Guanyunyuning boshqa frazeologik birliklardan farqli tomonlari. 

1.  Guanyunyu 惯用语 va  chengyu 成语   o‟rtasidagi  farqlar  quyidagilarda 

ko‟rinadi: 

a)  ibora  guanyunyuga  nisbatan  shaklan  bir  qadar  turg‟undir.  Chengyudagi 

so‟zlarning  joylashuvi  turg‟un  holatda  bo‟lib,  uni  hohlagancha  o‟zgartirish 

mumkin  emas,  chengyu  tarkibiga  boshqa  so‟z  qo‟shib  yoki  kamaytirib  ham  

bo‟lmaydi. Guanyunyular esa, ma‟lum darajada jonli va erkin xarakterga ega. 

b)  Chengyu  to‟rtta  ieroglifdan  tashkil  topsa,  guanyunyular  uchta  ieroglifdan 

tashkil topadi. 

c) Chengyular, odatda, adabiy tilda keng ishlatiladi, guanyunyular esa, asosan, 

og‟zaki nutqda qo‟llaniladi. Ular ko‟proq og‟zaki nutqga xos. 

d)  Chengyular  o‟zida  Xitoyning  turli  an‟anaviy  madaniyatini  aks  ettiradi, 

guanyunyular esa ijtimoiy hayotni aks ettirishi bilan xarakterlanadi.