Ўзбекистон Республикаси Олий ва ўрта таълим вазирлиги Абу Райҳон Беруний номли Тошкент давлат техника университети

 
10.4. Манжетли цементлаш усуллари 
Манжетли цементлаш. Бу усул маҳсулдор қатламга киришни бешинчи усу-
лида қўлланилади (4- бўлимга қаранг). Ҳимоя тизмасининг фильтрдан юқори 
қисмида цементлаш муфтаси ўрнатилиб, тизмаининг ташқи фильтр билан муфта 
оралиғига эгилувчан металл каркасли брезент воронка кўринишидаги манжет ўрна-
тилади. (19- расм). Манжетдан қудуқ юзасигача бўлган тизма орти муҳити ҳажмига 
тенг ҳажмли тампонаж эритмаси қувур ичига ҳайдалишидан аввал тампонаж эрит-
масидан олдин ювувчи суюқликдан ажратиш мақсадида остки тиқин ишлатилса, 
тампонаж эритмасини босувчи суюқликдан ажратиш мақсадида устки ажратувчи 
тиқиндан фойдаланилади. Босувчи суюқликнинг ҳажми тизма ичида жойлашган 
цементлаш муфтасидан қудуқ юзасигача бўлган масофага тенг. 
Биринчи тиқин цементлаш муфтасининг остки втулкасига бориб ўтиради, уни 
пастга томон тиралиб қолгунича суриб борилади ва муфта корпусидаги ёнлама 
тешикларни очади. Бу тешиклар орқали тизма ортига тампонаж эритмаси суриб 
чиқарилади. Икинчи тиқин юқориги втулкага келиб жойлашади, уни биринчи 
тиқинга келиб таянгунича суриб келади. Иккинчи тиқин биринчи тиқинга келиб 
жойлашганидан кейин муфтадаги тешиклар ёпилади. Цементлаш ускуна учида ва 
насосларда босимни бирдан сакраши босувчи суюқликни ҳайдашни тўхтатиш ва 
зулфинларни ёпиш бўлиб хизмат қилади. 
Агар тизмада герметик тескари клапан билан ва цементлаш муфтаси билан 
жиҳозланган бўлса, насослар тўхтатилганидан кейин ортиқча босим цементлаш 
ускуна учи орқали бир текисда тенглаштиралиди. Манжет-тампонаж эритмаси-
нинг ҳимоя тизмасини фильтрли қисмига чўкишини олдини олади. Газли қудуқдар-
да манжет ўрнига тизма орти ташқи пакерни ишлатиш мақсадга мувофиқдир. 

---

62 
17-расм. Цементлаш манжети. 
10.5. Тескари цементлаш усуллари 
Тескари цементлаш. Агар қудуқни тескари цементлаш мўлжалланаётган 
бўлса, қудуққа тушириладиган ҳимоя тизмаси тескари клапансиз ва тўхташ 
ҳалқасисиз туширилади. Қудуқни ювиб бўлгандан кейин ҳимоя тизмасига це-
ментлаш ускуна учи юқори босимли зулфинлар билан биргаликда ҳамда лубри-
катор билан бирга қотирилади.Ускуна учи циркуляцион сиетемасига қувур ёр-
дамида туташтирилади. Тизма орти муҳити превентор билан герметикланади. 
Цемент эритмаси тўғридан тўғри тизма орти муҳитига ҳайдалади. Цемент 
эритмаси суриб чиқариладиган ювувчи суюқлик тизма ортидан ҳимоя тизмаси 
ичига, ҳимоя тизмаси ичидан ускуна учига, ускуна учи орқали қувурларга, 
қувурлардан циркуляцион системага чиқади. Тампонаж эритмасининг биринчи 
миқдори тизманинг бошмоғига кириши билан насослар тўхтатилиб, қудуқ юза-
сидаги ускуна учининг зулфинлари ёпилади ва қудуқ тампонаж эритмаси қотгу-
нича тинч ҳолатда қолдирилади. 
Агар тампонаж эритмаси билан ювувчи суюқлик зичлиги катта фарқ қилса, 
тампонаж эритмаси ҳажми юқори бўлса, қувур ортига ҳайдалаётган тампонаж 
эритмасининг тезлиги юқори бўлиб кетиши оқибатида, бу оралиқда босим атмо-
сфера босимидан паст бўлиши мумкин. Натижада герметик бўлмаган қувурлар 
уланган оралиқларда хаво ютилиши ёки қатламлардан суюқликнинг оқиб ки-
риши бошланади. Бу ҳолатларнинг олдини олиш учун ускуна учидаги зулфин-
ларни қисман шундай ёпиш лозимки, ускуна учидаги босим ҳар доим атмосфера 
босимидан юқори бўлиб турсин. 

---

63 
Тескари цементлашда энг оғир ҳолат бу тампонаж эритмасининг биринчи 
миқдори ҳимоя тизмасини бошмоғига кириб келганлигини билишдир. Буни 
ишончли амалга ошириш учун гамма-каротаждан фойдаланилади. Бу прибор 
қудуққа кабель билан ускуна учидаги лубрикатор орқали туширилади ва бош-
моқдан (100-200 м) узоқликда жойлаштирилади. Тампонаж эритмасининг би-
ринчи миқдори тезда емирувчи изотоп билан фаоллаштирилади. Тизма ичида ўр-
натилган приборнинг чуқурлигини ва шу прибор ўрнатилган чуқурликдан 
ҳимоя тизмаси бошмоғигача бўлган қувур орти муҳити ҳажмини насосларнинг 
жами ҳайдаш сарфи бўйича бу оралиқни тўлдириб, қувур ичига кириб, уни тўл-
дириш вақтини осон ҳисоблаш мумкин. 
Тескари цементлашда қудуқ деворларига босим кам таъсир этади (бир 
поғонага нисбатан). Насосларнинг қуввати юқори бўлиши шарт эмас; бошқа 
цементлаш усулларига нисбатан қувур ортини тамонаж эритмаси тўлиқ эгал-
лайди. Шу билан биргаликда бу усулда тамонаж эритмасининг сифати 
қудуқнинг остки қисмида бир поғонали цементлаш усулига нисбатан ёмон. Чунки 
ажратувчи тиқинни ишлатиб бўлмаслиги сабабли, тампонаж эритмаси билан 
ювувчи суюқлик аралашиб қолиш кузатилади.
Тескари цементлашни қуйидаги ҳолларда қўллаш мумкин: 
а) агар ютилиш хавфи бўлган оралиқларда бир поғонали цементлашни 
ишлатиш имконияти бўлмаса;
б) агар бурғилаш майдончасига қудуқни бошқа усуллар билан цементлашга 
кучли насосларни етарли даражада тўплаш имконияти бўлмаса.