Ўзбекистон республикаси олий ва ўрта таълим вазирлиги

 
 
ДИССЕРТАЦИЯНИНГ АСОСИЙ МАЗМУНИ 
Кириш қисмида ўтказилган тадқиқотларнинг долзарблиги ва зарурати 
асосланган, тадқиқотнинг мақсади ва вазифалари, объект ва предметлари 
тавсифланган, республика фан ва технологиялари ривожланишининг устувор 
йўналишларига мослиги кўрсатилган, тадқиқотнинг илмий янгилиги ва 
амалий натижалари баён қилинган, олинган натижаларнинг илмий ва амалий 
аҳамияти очиб берилган, тадқиқот давомида олинган натижаларни амалиётга 

---

10 
жорий қилиш, нашр этилган ишлар ва диссертация тузилиши бўйича 
маълумотлар келтирилган. 
Диссертациянинг «Метанни этиленга қайта ишлашнинг асосий 
йўналиши» деб номланган биринчи бобида мавзу бўйича олиб борилган 
тадқиқотлар натижалари, хорижий ва маҳаллий адабиётлар таҳлили 
ёритилган. Маълумотлар умумлаштирилган ва илмий-таҳлилий хулосалар 
чиқарилган ҳамда илмий адабиётлардаги маълумотлардан келиб чиққан 
ҳолда диссертация ишининг мақсади, вазифалари, долзарблиги ва 
муҳимлиги белгилаб берилган.
Диссертациянинг «Катализаторларнинг олиш усуллари ва уларнинг 
қўлланилиш истиқболлари» деб номланган иккинчи бобида метанни 
каталитик оксиконденсатлаш реакциясининг кинетик қонуниятларини 
ўрганишнинг тажриба қурилмаси, тажрибани ўтказиш ва реакция 
маҳсулотларини таҳлил қилиш методикаси ёритилган. Катализатор синтези 
бўйича тадқиқотлар берилган. Катализаторнинг характеристикалари физик-
кимёвий усулларда ўрганилган. Реакция маҳсулотлари унуми ва таркиби газ-
суюқлик хроматографияси усулида аниқланган. 
Исталган нефткимёвий гетероген-каталитик жараённинг самарадорлиги 
биринчи навбатда катализаторнинг фаоллиги, селективлиги ва барқарорлиги 
билан белгиланади. Катализаторни ишлатиш даврида қайд этилган 
характеристикаларнинг ёмонлашуви кузатилади. Ушбу кўрсаткичларнинг 
ёмонлашувининг асосий сабаби катализаторнинг фаол сиртида кокс ҳосил 
бўлишидир. Кокс ҳосил бўлиши 1-расмдаги схема бўйича боради.