Ўзбекистон республикаси президенти ҳузуридаги қонунчилик ва ҳУҚУҚий сиёсат институти

11-савол:
 Ўзбекистон Республикаси тинчлик-
севар ташқи сиёсатни амалга оширади, деган 
янги принципнинг мазмун-моҳияти нимада?
Жавоб:
Давлатлар ўртасида доимий дўстликка асосланган 
муносабатларни ривожлантириш, жаҳон ва минтақа даражасида 
тинчликни таъминлаш халқаро муносабатларнинг долзарб 
масаласи ҳисобланади.
Ўзбекистон ўз тараққиёт босқичида очиқ, ўзаро ҳурмат, 
тенглик ва манфаатдорлик, яхши қўшничилик принципларига 
асосланган ташқи сиёсат олиб бормоқда. Масалан, қардош 
Қирғизистон
билан 30 йиллик чегара муаммоси 
ечилганлиги 
туфайли
2 миллиондан зиёд
водий 
аҳолиси 
ўз 
яқинлари, 
қариндош-уруғлари 
билан 
эркин борди-келди қиладиган 
бўлди. 
Айни шу мақсадда янги 
таҳрирдаги Конституциямиз 
лойиҳасининг 
18-моддасида 
“Ўзбекистон Республикаси давлатлар ва халқаро 
ташкилотлар 
билан 
икки 
ва 
кўп 
томонлама 
муносабатларни ҳар тарафлама ривожлантиришга 
қаратилган тинчликсевар ташқи сиёсатни амалга 
оширади”
, деган норма назарда тутилмоқда.
БМТ Низомида ҳам халқлар бир-бирлари билан муросаю 
мадора ва тоқатлиликни намоён қилиб, тинчлик шароитида 
яхши қўшничилик муносабатларини шакллантириб яшашлари 
лозимлиги мустаҳкамланган.
Тинчликсевар сиёсат
деганда, давлатларнинг сиёсий-
иқтисодий ва ижтимоий тизимлари ва уларнинг 
ривожланиш даражасидан қатъи назар, эркинлик, 
тенглик, адолат ва инсоннинг асосий ҳуқуқларини ҳурмат 
қилиш, шунингдек, давлатлар ва халқлар ўртасида 
тинчликни мустаҳкамлаши 
тушунилади.

---

24
Ўзбекистоннинг минтақамизда тинчлик ва барқарорликни 
мустаҳкамлаш, 
мамлакатимизнинг 
халқаро 
майдондаги 
салоҳиятини кенгайтириш ва хорижий давлатлар билан кенг 
қамровли ҳамда ўзаро манфаатли алоқаларини ривожлантириш 
йўналишлари қонун билан тасдиқланган “Ташқи сиёсий фаолият 
концепцияси”да белгиланган.
Давлатимиз дунёнинг 131 та давлати билан дипломатик 
муносабатлар ўрнатиб, 38 та давлатда 37 та элчихоналар, 
17 та шаҳарда бош консулхоналар, БМТ ва бошқа халқаро 
ташкилотларда доимий ваколатхоналаримиз фаолият юритмоқда.
Бундай норманинг киритилиши аҳолимизнинг бошқа 
халқлар билан тинч-тотув, дўстона, хавфсиз шароитда яшаши, 
хорижий мамлакатлар, айниқса, қўшни давлатларга эмин-эркин 
бориб-келиши, қон-қариндошлик ришталарини мустаҳкамлаши, 
мамлакат инвестиция муҳитининг яхшиланиши учун кенг 
имкониятлар яратади.