Ўзбекистон республикаси самарқанд давлат тиббиёт университети

Тадқиқот мақсади.
Одонтоген яллиғланиш касалликларини ностероид яллиғланишга қарши дори воситаларидан фойдаланиб даволаш самарадорлиги ва хавфсизлигини ошириш.


Тадқиқот вазифалари

1. 
   Одонтоген яллиғланиш касалликларига чалинган беморлардаги оғриқ ҳисси кучини ўрганиш. Оғриқ ҳисси жадаллигини ҳисобга олган ҳолда, турли ностероид яллиғланишга қарши дори воситаларини қўллаш бўйича кўрсатмаларни аниқлаш.
   
2. 
   Ацеклофенак ностероид яллиғланишга қарши дори воситасини қўллаш схемасини ишлаб чиқиш ва унинг одонтоген яллиғланиш касалликларини даволашдаги клиник ва анальгетик самарасини баҳолаш.
   
3. 
   Напроксен ва ацеклофенак ностероид яллиғланишга қарши дори воситаларидан кетма-кетликда фойдаланиш схемасини ишлаб чиқиш ва уларнинг одонтоген яллиғланиш касалликларини даволашдаги клиник ва анальгетик самарасини баҳолаш.
   
4. 
   Оғиз суюқлигининг иммунологик кўрсаткичлари, хусусан, секретор иммуноглобулин А, интерлейкин-1 (3), интерлейкин-4, шунингдек, одонтоген яллиғланиш касалликларини даволашда ностероид яллиғланишга қарши воситаларни қўллашнинг турли схемаларидан фойдаланишдаги умумий оқсил даражасини соғлом кўнгиллилар гуруҳига қиёсан баҳолаш орқали мониторинг қилиш.
   
5. 
   Одонтоген яллиғланиш касаллиги билан оғриган беморларни ностероид яллиғланишга қарши воситалар билан даволашда яллиғланиш жараёнининг клиник белгилари ва оғиз суюқлиги иммунологик кўрсаткичларининг корреляцион таҳлилини амалга ошириш.
   

ТАДҚИҚОТ МАТЕРИАЛИ ВА УСУЛЛАРИ
Клиник тадқиқотлар қуйидаги таркибий қисмларни ўз ичига олади:
Тадқиқотлар жойи: СамТУ Оғиз бушлиғи жарроҳлик ва дентал
имлантология кафедраси.
Тадқиқотнинг лабораторияда ўтказиладиган иммунологик усуллари
Ностероид яллиғланишга қарши воситаларни қўллаш
Статистикаси

Амалий аҳамияти.

Ўтказилган тадқиқотлар натижасида клиник амалиётга жағлар альвеолити (К10.3), жағнинг ўткир йирингли периостити (К04.6), ўткир периодондит (К05.2), ретенирланган тишлар (К01) каби одонтоген яллиғланиш касалликларини напроксен ва ацеклофенак каби ностероид яллиғланишга қарши носелектив ва селектив воситалардан кетма-кетликда фойдаланишга асосланган янги, самарали даволаш усули таклиф этилди.
Ацеклофенак ва напроксен ностероид яллиғланишга қарши дори воситаларидан одонтоген яллиғланиш касалликларини даволашда оғриқ ҳисси кўлами ва патология табиатидан келиб чиқиб фойдаланиш схемасини ишлаб чиқиш режалаштирилмоқда.