Ўзбекистон республикаси санитария қоидалари ва меъёрлари шифохона ичи инфекциялари профилактикаси

Чойшаб тўпламларини ювиш технологиясига қўйиладиган талаблар.

1. 
   Чойшаб тўпламлари қабул қилиш пайтида тури, ифлосланиш даражаси ва рангига қараб ажратилади.
   

Турлари бўйича:
-чойшаблар, одеял ғилофлари, матоли-одеяллар, ёстиқ ғилофлари, сочиқлар, кўйлаклар;
-ҳалатлар;
-курткалар, фартуклар, ошпазларнинг қалпоқлари;
-пахмоқ (қалин) ҳалатлар (ранглари бўйича);
- пахмоқ (қалин) одеяллар (ранглари бўйича)
-болалар чойшаблари (плёнкалар, болалар яктакчалари ва бошқалар)
-тиббий ҳалатлар.
Ифлосланиш даражасига қараб:
- специфик ифлосланган чойшаблар (оқсилларбилан);
- носпецифик ифлосланган чойшаблар (оқсилларсиз).
2.2. Бельёлар ювиш учун бўлакларга ажратилаётганда кир ювиш машинасини ишлаш хажми, ювилаётган чойшабларни ранглари ҳисобга олинади.
2.3. Бўлимлардан чойшаблар солиниб келтирилган қоплар ҳар доим дезинфекцияловчи воситалар қўллаган ҳолда ювиб қўйилади.
2.4. Ювиш цехи чойшабларни ивитиб қўйиш учун ванналар билан жиҳозланган бўлиши керак.
2.5. Бельёларни ивитиш 40 градусдан юқори ҳароратда бўлмаган сувда ивитилади. Оқсил моддалари билан ифлосланган чойшаблар ивитилишда оқсиллари қайнаб қолиб доғ бўлмаслиги учун дезинфектант қўшилган совуқ сувларда ивитилади.


Нажас доғлари ва қон билан ифлосланган бельёларни ивитиш

Фойдаланилган дезинфектант	Экспозиция	Дезинфектантни сарфланиш меъёри
0,1% ли таркибида хлор бириктирувчи препарат	30 минут	4 л/кг қуруқ бельё

*бошқа турдаги дезинфектант йўриқнома бўйича қўлланилади.

2.6. Нажас доғлари ва қон билан ифлосланган чойшабларни гиппохлорид кальций эритмаси билан ивитиш номақбул ҳисобланади, чунки бу препарат чойшаблардан фойдаланиш муддатларига салбий таъсир кўрсатади.

2.7. Бельёлар 0,5% ли ювувчи эритмада ёки 2% ли совунли-содали эритмада тўла чўмдирилган ҳолда қайнаб чиққандан бошлаб 15 минут давомида қайнатилади. (1 кг қуруқ ҳолда чойшаб учун ювувчи эритма = 30,0 сода+ 30,0 совун ёки 35,0 кир ювиш кукуни қўшиб тайёрланади).
2.8. чойшабларни чайқаш махсус ювиш-сиқиш машиналарида ёки махсус ванналарда чайилади.
2.9. Оқартирувчи дезинфекцияловчи препарат сирланган ёки полиэтилен идишдаги озгина миқдордаги сувга қўшилади.
2.10. Кир ювиш хонаси янги замонавий турдаги автоматлаштирилган ювиш машинаси билан жиҳозланган бўлса, чойшабларни ювишдан олдин дезинфекция қилишга зарурат бўлмайди.
2.11. чойшаблар ивитилгандан сўнг дезинфекцияловчи-оқартувчи воситаларга солинади.
2.12. чойшаблар кир ювиш бўлими томонидан саралаб олиниб центрофугада чайқалади, ундан ташқари чойшаблар қиш кунларида қуритиш жойида ёпиқ биноларда ёки ёз кунларида очиқ майдонда чайқаш мумкин.
2.13. чойшабларни қуритадиган майдон асфальтланган ва кирларни ёйиб юриш учун йўлакчалари бўлиши керак Қуритилган чойшаблар кўрикдан ўтказиб таъмирланадиган цехга олиб келинади. Мазкур жойда ходим “Тозазона”да ишлаш учун ажратилган тоза махсус кийимларни кийган ҳолда ишлайди.
2.14. Кўрикдан ўтказилган чойшаблар дазмоллаш цехига ўтказилади. Бу жойда чойшабларга дазмол босилиб тахлаб чиқилади. Цех дазмоллаш анжомлари ва дазмоллаш столлари билан жиҳозланган бўлиши керак.
2.15. Тоза чойшаблар зарарсизлантирилган махсус қопларга солиниб тоза чойшабларни сақлаш хонасидаги стеллажларга тахлаб қўйилади.
2.16. Кир ювиш бўлимининг қабул қилиш хонасида, саралаш хонасида ва ювиш хоналарида ҳар куни дезинфкцияловчи воситаларни қўллаган ҳолда тозалов ўтказилади. (кир ювиш бўлимида 0,5%ли ювувчи эритма, 0,5%ли таркибида хлор бирикмаси бўлган дезинфекцияловчи восита билан тозалов ўтказилади).
2.17. Бу цехларда ишловчи ҳодимлар махсус кийимларни ҳар куни алмаштириб туришлари талаб этилади.
2.18. Кир ювиш бўлимининг барча ҳодимлари ҳаракатдаги меъёрий ҳужжатларга мувофиқ тиббий кўрикдан ўтиб туришлари шарт.
2.19. Ҳар йили кир ювиш бўлими ходимлари санитария-техник минимум дастури бўйича ўқишлари керак.