Ўзбекистон Республикаси Соѓлиќни саќлаш вазирлиги Тошкент Медицина Академияси

Ревматик артрит (полиартрит)
Ревматик полиартрит диагностикасида қуйидагилар муҳимдир:
- стрептакокк инфекцияси ўтказганлиги билан боғлиқлиги (1-2 хафтадан кейин);
- ўрта ва йирик бўғимларни зарарлананиши, уларни кўчувчан харатерда бўлиши ва бир неча соатдан бир неча кунгача давом этиши; Ностероид яллиғланишга қарши дори воситалари (НЯҚДВ) яхши самара бериши ва бўғимлардаги ўзгаришлар изсиз йўқолиши;
- ички аъзоларни зарарланиши: кардит, кичик хорея, халқасимон эритема, тери ости тугунчалари;
Кичик диагностик мезонларга иситма, артралгия, ЭЧТ ни, ўткир фазали кўрсатгичларни (антистрептолизин -О титри) ошиши, ЭКГ да P-Q оралиғининг узайиши.
Умумий амалиёт врачи охирги вақтларда ревматизмни турғун сурункали, 2-3 бўғимлар, хатто бир бўғим зарарланиши, билан ёки ревматоид артритни эслатувчи пролифератив ўзгаришлар билан кечаётганлигини унутмаслиги керак. Ревматоид артритдан фарқли ўлароқ ревматизмда эрталабки қотиб қолиш, жараённи симметриклиги кузатилмайди ва қонда ревматик омил аниқланмайди. Бўғимларни бундай ўткир яллиғланиши, жараённи ҳар хил вақт оралиғида тез -тез қайталаниб туриши ноаниқ этиологияли, полисиндром ревматизмда бўлиши мумкин. У кўпроқ ўрта ва кекса ёшдаги эркакларда учрайди. Бунда бир ёки бир нечта бўғим зарарланади (кўпроқ тизза, кейин билак-кафт ёки панжа майда бўғимлари). Хуруж бир неча соатдан бир неча кунгача давом этиб, кескин оғриқлар ва периартикулар тўқималар шиши билан кечади, шунингдек бўғимлардаги жараён тўлиқ яхши бўлиши билан характерланади. Қонда эозинофилия, лимфоцитоз кузатилади.


Бириктирувчи тўқиманинг диффуз яллиғланиш касалликларида артритлар.
Системали қизил волчанкада ҳам бўғимлар шикастланиши мумкин. Бўғим синдроми бунда полиартралгия ёки ревматоид артрит кўринишида кечади.
Диагноз қўйишда Америка ревматологлар уюшмаси томонидан таклиф этилган диагностик мезонларга асосланилади: капалаксимон волчанка, дискоид волчанка, Рейно синдроми, аллопеция, фотосенсибилизация, оғиз, бурун –халқум шиллиқ қаватида яралар пайдо бўлиши, деформациясиз артрит, LE хужайра, сохта мусбат Вассерман реакцияси, протеинурия (кунига 3,5 г дан юқори), цилиндрурия, плеврит ва (ёки) перикардит, психоз ва (ёки) тутканоқли тиришишлар, гемолитик анемия ва (ёки) лейкопения, (ёки) тромбоцитопения. Диагноз юқоридагилар мавжуд бўлганда ишончли хисобланади.
Системали склеродермияда бўғим синдроми полиартралгия ёки полиартрит кўринишида кечади. Бўғим шикастланиши Рейно синдроми, тери, қизилўнгач ва бошқа ички аъзоларни (CREST) касалликка хос зарарланиши билан бирга кузатилади.
Ўтган ярим аср давомида олиб борилган изланишлар асосида Шегрен касаллигида полиартрит бириктирувчи тўқиманинг турли диффуз касалликлари, лимфопролифератив, аутоиммун (гепатит, фиброзланувчи альвиолит, тиреоидит ва ҳокозо) касалликлар билан бирга кечиши ҳақида аниқ тушунча ҳосил бўлди. Шунинг учун умумий амалиёт врачи Шегрен касаллиги белгиларини аниқлаганда бошқа висцерал патологияни истисно қилиш учун яхшилаб диагностик изланиш олиб бориши керак.
Замонавий тасаввурларга кўра Шегрен касаллиги системали аутоиммун жараён бўлиб, кўпроқ IgA ажратувчи сўлак, кўз ёши ишлаб чиқарувчи экзокрин безларнинг, шунингдек ошқозон, юқори нафас йўллари ва қиннинг суринкали яллиғланиши билан характерланади.
Шегрен синдромини аниқлашда қуйидаги учта белгилардан фойдаланилади:
1. Қуруқ кератоконъюктивит;

2. 
   Ксеростомия ва (ёки) паренхиматоз паротит;
   

3. Патогенезининг аутоиммун жараён билан боғлиқлиги.
Биринчи иккита белги бўлса Шегрен касаллиги, ҳамма белгилар аниқланса - Шегрен синдроми қўйилади. Бу синдром аксарият холларда 40-60 ёшлардаги аёлларда учрайди. Клиник жихатдан ҳаяжонланганда, узоқ гапирганда кучаядиган ксеростомия (оғиз шиллиқ қаватлари қуруқлиги), ксерофтальмия – қуруқ кератоконъюктивит, қайталанувчи артралгия, айрим холларда эса эрозив-деструктив жараёнсиз кафт фалангалараро бўғимларнинг полиартрити билан намоён бўлади.
Диагнозни аниқлашга беморни тўлиқ лаборатор текшириш ва олинган натижаларни тўғри баҳолаш аҳамиятлидир.
Умумий қон тахлили: бироз анемия, лейкопения, ЭЧТ нинг ошиши;
Қонни биокимёвий тахлили: гипергаммаглобулинемия, умумий оқсил, серомукоид, фибрин, сиал кислота миқдорларини ошиши;
Иммунологик текшириш: қонда IgM ва IgG ошиши, латекс тестда ревматоидли омил мусбат бўлиши (титр 1:80 дан юқори), сўлак безлари ёки пастки лаб биопсиясида ДНК га қарши антителани аниқланиши.
Дерматомиозитда артритлар кам учрайди. Кўпроқ интенсив бўлмаган полиартралгиялар кузатилади. Клиник кўринишда тери-мушак синдроми устунлик қилади.