Битумларни аралаш усули бўйича олиш (компаундирлаш). Ҳозирги вақтда бу метод билан катта микдорда йўл битумлари олинмоқда. Битумларни аралаштириш ёки компаундлаш — бу уларни нефтни қайта ишлаш заводлари ёки исътемол қилиш жойларида амалга ошириладиган қайта ишлашнинг иккиламчи жараёнидир.Бундай холатда битумни бошқа смолали қолдиқларнинг мос келувчи таркиблари билан аралаштириш йўли билан уларнинг хусусиятларига қўйилган талаблар даражасига сезиларли яхшилаш мумкин. Масалан, мойли вариантлар бўйича ишлаётган заводларда нефт ёқилги ва мойлаш дистиллятлари ажратиладиган атмосфера — вакуумли найчали қурилмага тушади, қолдикда юмшатиш температураси 32-48 градус ºС ли гудрон олинади. Мойли дистиллятларни смолали моддалардан тозалаш учун эритувчилар (фенол) билан ишлов берилади. Тозалаш натижасида мойли рафинатлар ва қолдиқ сифатида эса — дистиллятли экстракт олинади.
Нефтли битумлар йўл қопламалари, гидроизоляцияли, том ёпувчи ва бошқа ишлар учун қўлланилади. Нефтли битумлар йўл қопламалари, гидроизоляцияли, том ёпувчи ва бошқа ишлар учун қўлланилади. Нефтли қовушқоқ йўл битумлари автомобиль йўллари ва аэродром қопламаларини қуришда боғловчи материал сифатида қўлланилади. Улар оксидланган ва оксидланмаган махсулотлардан нефтни тўгри хайдаш усули ёки бу махсулотларни селектив тозалаш экстрактлари билан компаундирлаш йўли билан тайёрланади. Нефтли қурилиш битумлари ҳар хил қурилиш ишларини бажариш учун қўлланилади. Уларни олиш ва уларга бўлган талаблар йўл битумларига қўйилган талаблар каби бир хилдир. Нефтли қурилиш битумлар қуйидаги маркаларда чиқарилади: БН 50/50, БН 70/30, БН 90/10; биринчи сон (сурат) юмшаш температурасини, махраж эса - нинани кириш чуқурлигининг ўртача кийматини кўрсатади.
Do'stlaringiz bilan baham: |
