Ўзбекистон темир йўллари” аж қўқон минтақавий темир йўл узели Қўқон электр таьминоти масофаси

Хар бир ходим мажбурияти:
1.Хизмат кўрсатаётган станциясининг техник чизмасини билиши, қурилмаларнинг жойлашиш тартибини билиши. Қурилмаларга амалий ва назарий жиҳатдан ёндашиб, хизмат кўрсатишни билиши, уларни соз ҳолатда сақлаши, шунингдек таъмирлаш – монтаж ишларини билиши, ишлаб чиқариш мажбуриятларини бажариш жараёнида параметрларни ўлчаш ва нормал ҳолатга келтириш, замонавий методларни ўзлаштириш, қўл остидаги ишчиларига билим ва малакасини ўргатиб бориш.
2.Ишни ташкил қилишда тасдиқланган режа-жадвал ва бошқа режалар асосида техник хизмат кўрсатиш, электромонтерлар томонидан ҳаракат хавфсизлигини таъминлаган ҳолда ишни ўз вақтида ва сифатли бажарилишини назорат қилиши, меҳнатни муҳофаза қилиш, техника хавфсизлиги, ёнғин хавфсизлиги қоидаларига амал қилиши.
3.Қурилмаларни ҳолатини назорат қилиб бориши, нуқсон келиб чиқишини олдини олиши, нуқсон содир бўлганда эса поездлар ҳаракати хавфсизлигига хавф солмаслигини олдини олиш мақсадида зудлик билан бартараф этиш чораларини кўриши.
4.Қурилмаларда носозлик содир бўлганлиги тўғрисида хабар келиб тушса, ўша жойга қисқа муддат ичида етиб бориб, вазиятни ўрганиши, уни бартараф этиш чорасини кўриши, носозликни бартараф этганлиги бўйича кўрилган чораларни навбатчи диспетчерга ёки катта электромеханикга хабар бериши. Содир бўлган носозлик сабабларига мустақил равишда аниқлик киритиб, бартараф эта олмаса, зудлик билан навбатчи диспетчер ёки катта электромеханикни хабардор қилиши. Носозлик сабаби ва ва уни бартараф этилган вақтини навбатчи диспетчерга айтиши. Ишлаб чиқаришда қурилмаларга техник хизмат кўрсатиш ва таъмирлашда поездлар ҳаракати хавфсизлигини таъминлаш йўриқномасига асосан носозлик бартараф этилгандан кейин ДУ-46 (кўрик дафтари) га ёзув киритилиши керак.
5.СЦБ, МПЦ ишорат линияларида совуқдан, муздан ҳамда табиий офатлардан қурилмаларга зарар етиши ёки уларнинг нормал ишлашига хавф туғилса зудлик билан навбатчи диспетчерга, катта электромеханик ёки раҳбариятга хабар қилиши.
6.Табиий офатлардан кейин қурилмаларни навбатдан ташқари текшириб, уларнинг созлигини таъминлаши, қурилмаларни текшириш навбати ва тартиби навбатчи диспетчер орқали корхона раҳбарияти билан келишилган ҳолда бўлиши.
7.Махсус бригадалар билан бажариладиган ойлик ва комиссион кўрикларда, шунингдек қурилмаларнинг комплекс текширувида иштирок этиши.
8.Хизмат кўрсатадиган участкасидаги қурилмаларни қиш мавсусига ўз вақтида ва сифатли тайёрлаб қўйиши.
9.Қурилмаларни қиш мавсумига тайёрлаб қўйишда уларни таъмирлаш, алмаштириш борасида катта электромеханикга ўз таклифини бериши.
10.Хизмат кўрсатадиган участкасида махсус бригада ёки ташкилотлар томонидан таъмирлаш, қурилиш-монтаж ишлари олиб борилса, ишнинг белгиланган тартибда олиб борилишини назорат қилиши.
-бажарилган ишларни қабул қилишда иштирок этиши, ишни бажариш қоидалари бузилса ёки келишмаган ҳолда бажарилса зудлик билан навбатчи диспетчер ёки катта электромеханикга хабар бериб ишни тўхтатиши.
11.Қурилмаларга техник хизмат кўрсатиши, техник ҳужжатларга эга бўлиши ва уларни тартиб билан сақлаши, шунингдек амалдаги қурилмалар тасдиқланган техник ҳужжатларга мувофмқ (мос) келишини таъминлаши.
12.Зарур иш қуроллари, ўлчов асбоблари, шунингдек корхона бошлиғи буйруғи асосида белгиланган материллар, иш қуроллари, эҳтиёт қисмларга эга бўлиши.
13.Сменалик иш режими вақтида зиммасига бириктирилган қурилмаларга техник хизмат кўрсатишдан ташқари, раҳбарият топшириғи билан бошқа чегарада содир бўлган носозликни зудлик билан бартараф этиши ва бу ҳақда катта электромеханикни хабардор қилиши.
14.”Ўзбекистон темир йўллари” АЖ миқёсида амалга ошириладиган ташкилий, қурилиш-монтаж ишларида иштирок этиши.