Ózbekstan respublikasí joqarí bilimlendiriw, PÁn hám innovaciyalar ministrligi

ÓZBEKSTAN RESPUBLIKASÍ JOQARÍ BILIMLENDIRIW, PÁN HÁM INNOVACIYALAR MINISTRLIGI

ÁJINIYAZ ATINDAǴÍ NÓKIS MÁMLEKETLIK

PEDAGOGIKALÍQ INSTITUTÍ

SÍRTQÍ TÁLIM BÓLIMI

Gumanitar hám jámiyetlik pánlerdi aralıqtan oqıtıw kafedrası

Qaraqalpaq tili hám ádebiyatı tálim baǵdarınıń 3-V topar talabası

Adambayeva Fazilattıń Qaraqalpaq tilin oqıtıw metodikası páninen

KURS JUMÍSÍ

Tema: Jay gáplerdi oqıtıw usılları

Tayarlaǵan : Adambayeva F

Qabıllaǵan: Mámbetova G

Nókis 2023

Kurs jumısı mazmunı (maksimal bal 40 ball) _________ball

Kurs jumısın jaqlawı (maksimal bal 30 ball) _________ball

Berilgen sorawlarǵa juwabı (maksimal bal 30 ball) ________ball

Ulıwma ball: _________ball
Bahası _________
Kurs jumısı basshısı: Mámbetova G

Tema: Jay gáplerdi oqıtıw usılları
Jobası
Kirisiw
I bap. Jay gápler haqqında ulıwma túsinik
1.1. Jay gáplerdıń stillik qollanılıwı
1.2. Jay gáplerdıń qurlısı (bas aǵzalarınıń qatnası) boyınsha bóliniwi
II bap. Jay gáplerdi oqıtıw metodikası
2.1. Qaraqalpaq tilin oqıtıwda metodikanıń áhimiyeti
2.2.Jay gáplerdi oqıtıwda jańa pedagogikalıq texnologiya hám metodlardıń qollanılıwı (8-klass qaraqalpaq tili mısalında bir saatlıq metodikalıq sabaq)
Juwmaqlaw
Paydalanǵan ádebiyatlar

KIRISIW
Temanıń aktuallıǵı: Ózbekstan Respublikasınıń Bilimlendiriw haqqındaǵı nızamında, Kadrlardı tayarlawdıń milliy baǵdarlamasında, Ministrler Keńesiniń «Ózbekstan Respublikasında ulıwma orta tálim» haqqındaǵı qararlarında mekteplerde ana tilin oqıtıwǵa, oqıtıwdıń jańa pedagogikalıq texnologiyası tiykarında jańa usılda oqıtıw máselelerine itibar berilgen. Mekteplerde ana tilin oqıtıw arqalı oqıwshılardı xalqımızdıń bay milliy mádeniyatı, tariyxı, úrip-ádet dástúrleri, xalıqtıń awızeki dóretpeleri, ana tilimizdiń bay ǵáziynesi menen keńnen tanıstırıw múmkinshiligine iye bolamız. Oqıwshılar ana tilin biliw arqalı basqa pánlerdi úyreniwge erisedi.
Pedagogikalıq texnologiyanı ta’lim-ta’rbiya protsessi sıpatında qatnasıwshılardın’ xızmetleri arqalı a’melge asırıladı. Bul protsesstin’ baslı maqseti jetik insandı qa’liplestiriw ha’m rawajlandırıw bolıp, tiykarınan to’mendegilerden ibarat:
-ta’lim-ta’rbiya beriw; -mag’lıwmatlardı a’wladtan-a’wladqa o’tkeriw;
-o’z betinshe pikirlewge u’yretiw;
-bilim, ko’nlikpe, uqıplılıqlardı u’yretiw ha’m o’zlestiriwge erisiw;
-tu’rli metodikalardı qollanıw ha’m jetilistiriw; -diagnostika, monitoring alıp barıw;
-insanıylıq, xalıq su’yiwshilik, ideologiyalıq printsiplerge tiykarlanıw;
-oqıwshının’ tayarlıq da’rejesin, psixologiyalıq, fiziologiyalıq, jas o’zgesheliklerin, gigienalıq talaplardı esapqa alıw.
Házirgi dáwirde oqıtıwdıń jańa usılların qollanıw zárúrligi payda bolmaqta. Usıǵan baylanıslı jańa pedagogikalıq texnologiya hám interaktiv usıllar degen túsinikler de payda boldı.
Demek, solay eken Qaraqalpaq tili pánin oqıtıwda da oqıtıwdıń jańa metodlarınan nátiyjeli paydalanıp oqıwshılardıń biliw iskerligin asırıw hám bul iskerlikti ámeliyatta qollay alıw múmkinshiligin asırıw ushın hár bir pedagog oqıtıwshıdan ayrıqsha juwapkershilikti talap etedi. Sonlıqtan da búgingi kúnde Qaraqalpaq tilin oqıtıw metodikasın tereń úyreniw aktual máselelerden sanaladı.