Ózbekstan respublikasí joqarí HÁm orta arnawlí bilimlendiriw ministrligi berdaq atíndaǵÍ qaraqalpaq mámleketlik universiteti qol jazba huqıqında udk : 94. Orazímbetova roza murzambetovna sh. SeyitovtíŃ «xalqabad»

Izertlew obyekti hám predmetiniń belgileniwi. Magistrlik dissertaciyanıń izertlew obyektine «Sh.Seyitovtıń «Xalqabad» romanı leksikası» degen tema alındı, yaǵnıy, Sh.Seyitovtıń «Xalqabad» romanı leksikası, onıń semantikalıq ózgeshelikleri jumıstıń tiykarǵı obyekti esaplanadı.
Qaraqalpaq tilindegi shayır hám jazıwshılar shıǵarmaları tiliniń ózgeshelikleri tuwralı til biliminiń hár qıylı tarawlarında ulıwma aytılǵan pikirler ushırasıp, bul miynetlerde Sh.Seyitovtıń «Xalqabad» romanınıń leksikası, semantikalıq ózgeshelikleri haqqında ulıwma sóz etilmegen. Sonlıqtan, biz bul jumısta Sh.Seyitovtıń «Xalqabad» romanınıń leksikası, semantikalıq ózgesheliklerin anıqlawdı izertlewdiń tiykarǵı obyekti etip belgiledik.
Magistrlik dissertaciyanıń predmeti – Sh.Seyitovtıń «Xalqabad» romanınan jıynalǵan tillik faktler esaplanadı.
Izertlewdiń maqset hám wazıypaları. Biz jumısımızda Sh.Seyitovtıń «Xalqabad» romanınıń leksikası, semantikalıq ózgesheliklerin izertlewdi maqset etip aldıq. Sebebi, qaraqalpaq tilinde Sh.Seyitov shıǵarmaları tiliniń ózgeshelikleri haqqında jazılǵan ilimiy miynetler joq. Biz sol ushın da Sh.Seyitovtıń «Xalqabad» romanınıń leksikalıq ózgesheliklerin hár tárepleme izertlewdi baslı maqset etip qoydıq.
Biziń magistrlik dissertaciyamızdıń tiykarǵı maqseti Sh.Seyitovtıń «Xalqabad» romanı leksikasınıń semantikalıq múmkinshiliklerin, ózgesheliklerin úyreniwden ibarat. Belgilengen maqsetke erisiw ushın tómendegi wazıypalardı sheshiw belgilendi:
- qaraqalpaq til bilimindegi shayır hám jazıwshılardıń shıǵarmalarınıń tiliniń izertleniwin úyreniw;
- Sh.Seyitovtıń «Xalqabad» romanınıń leksikasınıń sózlik quramında jumsalǵan sózlerdi tariyxıy-etimologiyalıq kóz qarastan úyreniw;
- Sh.Seyitovtıń «Xalqabad» romanınıń leksikasın tematikalıq toparlarǵa ajıratıw;
- Sh.Seyitovtıń «Xalqabad» romanınıń leksikasın leksika-semantikalıq hám stillik ózgesheliklerin úyreniw;
- Sh.Seyitovtıń «Xalqabad» romanınıń leksikasında sózlerdiń qollanılıw órisin anıqlaw;
- Sh.Seyitovtıń «Xalqabad» romanınıń leksikasında jazıwshınıń jeke stiline tán leksikalıq birliklerdi anıqlaw.